ଅନୁସନ୍ଧାନ: ଖାଦ୍ୟ ଗ୍ରହଣରେ ନିୟମିତତା ରକ୍ଷା କରନ୍ତୁ, ହେବନି ଜଟିଳ ରୋଗ ସମସ୍ୟା

ଏକ ନୂତନ ଅନୁସନ୍ଧାନ ଅନୁସାରେ, ଯଦି ଜଣେ ବ୍ୟକ୍ତିଙ୍କ ଭୋଜନରେ ସମୟ-ପ୍ରତିବନ୍ଧତା ଥାଏ ତେବେ କେବଳ ତାଙ୍କ ପେଟ ସ୍ବାସ୍ଥ୍ୟ ନୁହେଁ କର୍କଟ, ମଧୁମେହ ସମେତ ଜିନ୍ ଉପରେ ମଧ୍ୟ ସୁପ୍ରଭାବ ପଡିଥାଏ । ଜାଣନ୍ତୁ ଏହି ଅଧ୍ୟୟନରୁ କଣ ସବୁ ନୂତନ ତଥ୍ୟ ସାମ୍ନାକୁ ଆସିଛି

ହାଇଦ୍ରାବାଦ: ସଠିକ୍ ସମୟରେ, ସ୍ବଳ୍ପ ପରିମାଣରେ, ସ୍ବାସ୍ଥ୍ୟ ଉପକାରୀ ଖାଦ୍ୟ ଖାଇବା କେବଳ ଶରୀରର ସର୍କାଡିୟନ୍ ରିଦମ୍‌ରେ ଉନ୍ନତି ଆଣେ ନାହିଁ, ବରଂ କର୍କଟ ଭଳି ଜଟିଳ ରୋଗକୁ ରୋକିବାରେ ଗୁରୁତ୍ୱପୂର୍ଣ୍ଣ ଜିନ୍‌ ଗୁଡ଼ିକର ସକ୍ରିୟତାକୁ ମଧ୍ୟ ଉନ୍ନତ କରିଥାଏ । ଏକଥା ଆମେ କହୁନୁ, ନିକଟରେ ହୋଇଥିବା ଏକ ଅଧ୍ୟୟନରୁ ଜଣାପଡିଛି ଯେ, ଯଦି ଜଣେ ବ୍ୟକ୍ତି ଭୋଜନରେ ସମୟ-ପ୍ରତିବନ୍ଧତା(Time-restricted) ରଖନ୍ତି ତେବେ ତାଙ୍କର ରୋଗ ହେବାର ଆଶଙ୍କା ଖୁବ୍ କମ୍ । ମୂଷାମାନଙ୍କ ଉପରେ ବୈଜ୍ଞାନିକମାନେ କରିଥିବା ଅଧ୍ୟୟନରୁ ଏହା ଜଣାପଡିଛି ।

family having meal together

ପ୍ରତ୍ୟେକ ଚିକିତ୍ସା ବ୍ୟବସ୍ଥାରେ ବିଶ୍ୱାସ କରାଯାଏ ଯେ ଉତ୍ତମ ସ୍ୱାସ୍ଥ୍ୟ ପାଇଁ ଖାଦ୍ୟରେ ଅନୁଶାସନ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ସମ୍ପ୍ରତି, ଯୁବକ ପୁରୁଷ ମୂଷା ଉପରେ ଏକ ପରୀକ୍ଷଣ ଭିତ୍ତିକ ଅନୁସନ୍ଧାନର ଫଳାଫଳ ମଧ୍ୟ ସମାନ ତଥ୍ୟକୁ ପ୍ରମାଣିତ କରିଛି । ଏହି ଅନୁସନ୍ଧାନରୁ ଏହା ଜଣାପଡିଛି ଯେ, ସମୟ-ପ୍ରତିବନ୍ଧିତ ଭୋଜନ କରିବା ଦ୍ୱାରା ଶରୀରରେ ଆଣ୍ଟି-ଏଜିଂ ଏବଂ ଆଣ୍ଟି-କ୍ୟାନ୍ସର୍ ପ୍ରଭାବ ବଢିପାରେ । ସମୟ-ପ୍ରତିବନ୍ଧିତ ଭୋଜନ ଶରୀରର ଅନେକ ଟିସୁରେ ଜିନ୍ ଅଭିବ୍ୟକ୍ତି ଉପରେ ମଧ୍ୟ ପ୍ରଭାବ ପକାଇଥାଏ । ଏହି ଗବେଷଣାର ଫଳାଫଳ ସେଲ୍ ମେଟାବୋଲିଜିମ୍‌ରେ ପ୍ରକାଶ ପାଇଛି ।

ମେଡିକାଲ ଟୁଡେ ନ୍ୟୁଜରେ ଦିଆଯାଇଥିବା ସୂଚନା ଅନୁଯାୟୀ, ଏହି ପରୀକ୍ଷଣରୁ ଜଣାପଡିଛି ଯେ, ଯେଉଁ ମୂଷାମାନଙ୍କୁ ଟାଇମ୍-ରେଷ୍ଟ୍ରିକ୍ଟେଡ୍ ଇଟିଂ(TRE) ଦିଆଯାଇଥିଲା, ସେମାମଙ୍କ ଅନ୍ତଃସ୍ଥଳୀ, ହୃଦୟ, ଫୁସଫୁସ, ଯକୃତ ସହ ମସ୍ତିଷ୍କ ସହିତ ଜିନ୍ କାର୍ଯ୍ୟକଳାପ ଏବଂ ଶରୀରରେ 22ଟି ଟିସୁ ଉପରେ ସୁପ୍ରଭାବ ପଡିଥିଲା । ଅଧ୍ୟୟନରୁ ଏହା ମଧ୍ୟ ପ୍ରମାଣ ମିଳିଛି ଯେ, ସମୟ ସୀମିତ ଖାଇବା କେବଳ ଦୀର୍ଘାୟୁ କରେ ନାହିଁ, ବରଂ କର୍କଟ ସହ ଲଢିବାର କ୍ଷମତା ମଧ୍ୟ ବଢାଇପାରେ ।

ଅନୁସନ୍ଧାନକାରୀଙ୍କ ରିପୋର୍ଟ ଅନୁସାରେ, ଏକ ସମୟ-ପ୍ରତିବନ୍ଧିତ ଭୋଜନଶୈଳୀ ଅନୁସରଣ କରିବା ଦ୍ୱାରା ଶରୀରର ପ୍ରାକୃତିକ ଦୈନନ୍ଦିନ ଚକ୍ର, ସକ୍ରିୟତା ଏବଂ କୌଣସି ଶାରୀରିକ କାର୍ଯ୍ୟକଳାପ ହେବାର କ୍ଷମତା ଦୃଢ ହୋଇଥାଏ, ଯାହା ସ୍ୱାସ୍ଥ୍ୟରେ ମଧ୍ୟ ଉନ୍ନତି ଆଣେ । ଉଲ୍ଲେଖନୀୟ ବିଷୟ ହେଉଛି, ସମୟ-ପ୍ରତିବନ୍ଧିତ ଖାଇବା ଏକ "ଇଣ୍ଟରମିଟେଣ୍ଟ ଫାଷ୍ଟିଂ"ର ଏକ ରୂପ ଭାବରେ ବିବେଚନା କରାଯାଏ, ଯେଉଁଥିରେ ଲୋକମାନେ ଏକ ନିର୍ଦ୍ଦିଷ୍ଟ ସମୟ ମଧ୍ୟରେ ଯାହା ଚାହିଁବେ ତାହା ଖାଇ ପାରିବେ ଏବଂ ଗୋଟିଏ ସମୟରେ ଉପବାସ ରହିବେ । ଏହାପୂର୍ବରୁ, ସଂପୃକ୍ତ ବିଷୟ ଉପରେ ପଶୁ ମଡେଲ ଏବଂ ମାନବ ମଡେଲ ଉପରେ ଅନେକ ଗବେଷଣା କରାଯାଇଛି, ପ୍ରାୟ ସମସ୍ତେ ଅନୁସନ୍ଧାନରେ ଏହାର ଲାଭ ବାବଦରେ ଜଣାପଡିଛି ।

ମାନବ ମଡେଲ ଗୁଡିକର ଆଉ ଏକ 2022ରେ କରାଯାଇଥିବା ସମୀକ୍ଷା ଏହା ମଧ୍ୟ ଦର୍ଶାଇଛି ଯେ, ସମୟ-ପ୍ରତିବନ୍ଧିତ ଭୋଜନ ମେଦବହୁଳତା, ମଧୁମେହ ଏବଂ ହୃଦରୋଗରେ ଉନ୍ନତି ଆଣିବା ସହିତ ଶୋଇବା ଏବଂ ମାନସିକ ସ୍ବାସ୍ଥ୍ୟରେ ଉନ୍ନତି ଆଣିଥାଏ । ଏହା ସହ ଭଲ ମେଟାବୋଲିଜିମ୍, ଓଜନ ବୃଦ୍ଧି କିମ୍ବା ମୋଟାପଣ ରୋକିବା ଭଳି ସମସ୍ୟାରୁ ମୁକ୍ତି ଦେଇଥାଏ ଏବଂ ଶରୀରରେ ରକ୍ତରେ ଶର୍କରା ସ୍ତର ନିୟନ୍ତ୍ରିତ ହୋଇଥାଏ, ହୃଦୟ ଏବଂ ଅନ୍ତନଳୀ ସମସ୍ୟାକୁ ରୋକିବା ସହିତ ଅନେକ ଲାଭ ଦେଇପାରେ ସମୟ-ପ୍ରତିବନ୍ଧିତ ଖାଇବା ।

କିପରି ହୋଇଥିଲା ଅନୁସନ୍ଧାନ:-ସଲ୍ଟ ଇନଷ୍ଟିଚ୍ୟୁଟ୍ ଅଫ୍ ଲା-ଜୋଲା ଦ୍ୱାରା ଏହି ଗବେଷଣା କରାଯାଇଥିଲା । ପ୍ରଫେସର ସଚ୍ଚିଦାନନ୍ଦ ପଣ୍ଡାଙ୍କ ଏକ ଟିମ୍ ଏହି ପରୀକ୍ଷଣ କରିଥିଲେ, ଏଥିରେ ଡାଏଟିସିଆନ୍ ମଧ୍ୟ ରହିଥିଲେ । ଏହି ଅନୁସନ୍ଧାନର ଅନୁସନ୍ଧାନରେ ପ୍ରଫେସର ପଣ୍ଡା ବ୍ୟାଖ୍ୟା କରିଛନ୍ତି ଯେ, ଏହି ଫଳାଫଳ ସମୟ-ପ୍ରତିବନ୍ଧିତ ଭୋଜନ ପ୍ରକ୍ରିୟା କିପରି କର୍କଟ ଭଳି ରୋଗ ସହିତ ଲଢୁଥିବା ଜିନ୍‌ ଗୁଡ଼ିକୁ ସକ୍ରିୟ କରିପାରିବ ସେ ବିଷୟରେ ଆଲୋକପାତ କରିଛି ।

ଏଥି ସହିତ, ଅନୁସନ୍ଧାନ ଫଳାଫଳରେ ଏହା ମଧ୍ୟ ଉଲ୍ଲେଖ କରାଯାଇଛି ଯେ, ଏହି ଜୀବନଶୈଳୀ ଇନସୁଲିନ୍ ପ୍ରତିକ୍ରିୟାକୁ ନିୟନ୍ତ୍ରଣ କରିଥାଏ, ଯେଉଁ କାରଣରୁ ଭୋକ କମ୍ ହୋଇଥାଏ ଏବଂ ଓଜନ ମଧ୍ୟ ହ୍ରାସ ହୋଇପାରେ ।

ଏହି ଅନୁସନ୍ଧାନ ପାଇଁ, ଦୁଇଟି ଗୋଷ୍ଠୀ ମୂଷା ତିଆରି କରାଯାଇଥିଲା, ଯେଉଁଥିରେ ଗୋଟିଏ ଗୋଷ୍ଠୀର ମୂଷାମାନେ ଯେତେବେଳେ ଚାହିଁବେ ଖାଇବାକୁ ଅନୁମତି ଦିଆଯାଇଥିବାବେଳେ ଅନ୍ୟ ଗୋଷ୍ଠୀକୁ ପ୍ରତି 9 ଘଣ୍ଟା ପରେ ଖାଦ୍ୟ ଦିଆଯାଉଥିଲା । ଅନୁସନ୍ଧାନରେ ଉଭୟ ଗୋଷ୍ଠୀର ମୂଷା ସମାନ ପରିମାଣର ପାଶ୍ଚାତ୍ୟ ଖାଦ୍ୟ ଖାଇଥିଲେ, ଯେଉଁଥିରେ ସମୁଦାୟ କ୍ୟାଲୋରୀ ସମାନ ଥିଲା ।

ସାତ ସପ୍ତାହ ପରେ, ଗବେଷକମାନେ ମୂଷାଙ୍କ ପେଟ, ଅନ୍ତନଳୀ, ଯକୃତ, ଫୁସଫୁସ, ହୃଦୟ, ଆଡ୍ରେନାଲ୍ ଗ୍ରନ୍ଥି, ହାଇପୋଥାଲମସ୍ ଏବଂ କିଡନୀ ସମେତ 22 ଟି ଅଙ୍ଗ ଏବଂ ମସ୍ତିଷ୍କରୁ ନମୁନା ନେଇଥିଲେ । ଏହା ଜଣାପଡିଲା ଯେ, ଅନ୍ୟ ଗୋଷ୍ଠୀ ତୁଳନାରେ ସମୟ ସୀମିତ ଖାଇବା ଶୈଳୀ ପରେ ଗୋଷ୍ଠୀର ସାମଗ୍ରିକ ଜିନ୍ ଅଭିବ୍ୟକ୍ତିରେ ଏକ ସକରାତ୍ମକ ପରିବର୍ତ୍ତନ ଆସିଛି । ଏଥି ସହିତ, ଏହି ଗୋଷ୍ଠୀର ମୂଷାମାନଙ୍କ ଶରୀରର ସର୍କାଡିୟନ୍ ରିଦମ୍ ମଧ୍ୟ ଦୃଢ ହୋଇଛି, ଏହି କାରଣରୁ ସେମାନଙ୍କର ପ୍ରାକୃତିକ ବିଶ୍ରାମ ଏବଂ କାର୍ଯ୍ୟକଳାପର ମଧ୍ୟ ଉନ୍ନତି ଆସିଥିଲା ।

ପରିଶେଷରେ, ପ୍ରଫେସର ପଣ୍ଡା ବ୍ୟାଖ୍ୟା କରିଛନ୍ତି ଯେ, ଆମେରିକାରେ ବହୁ ସଂଖ୍ୟକ ବୟସ୍କ ଅଛନ୍ତି ଯେଉଁମାନେ ଅନିୟମିତ ଖାଇବା ପଦ୍ଧତି ଅନୁସରଣ କରନ୍ତି । ଯେଉଁଥିରେ ସେମାନେ ପ୍ରତିଦିନ 12 ଘଣ୍ଟାରୁ ଅଧିକ ସମୟ ସ୍ନାକ୍ସ ଏବଂ ଶର୍କରା ପାନୀୟ ଇତ୍ୟାଦି ଖାଇଥା’ନ୍ତି । ଏଥି ସହିତ, ଦିନରାତିର ବିଭିନ୍ନ ଶିଫ୍ଟରେ କାମ କରୁଥିବା ଲୋକଙ୍କ ଖାଇବା ସମୟ ମଧ୍ୟ ସ୍ଥିର କରାଯାଇ ନାହିଁ, ଯେଉଁଥିପାଇଁ ସେମାନଙ୍କ ସ୍ୱାସ୍ଥ୍ୟ ଉପରେ ଏକ ବଡ ପ୍ରଭାବ ପଡିଥାଏ । ଏପରି ପରିସ୍ଥିତିରେ, ସମୟ-ପ୍ରତିବନ୍ଧିତ ଖାଇବା ଶୈଳୀ ଅନୁସରଣ କରିବା ସେମାନଙ୍କ ପାଇଁ ଅତ୍ୟନ୍ତ ଲାଭଦାୟକ ହୋଇପାରେ ।