ବ୍ରେନ ବା ମସ୍ତିଷ୍କ ହେଉଛି ଆମ ଶରୀରର ଅବିଚ୍ଛେଦ୍ୟ ଅଂଶ । ଶରୀରର ସମସ୍ତ କାର୍ଯ୍ୟ ନିୟନ୍ତ୍ରଣ କରେ ମସ୍ତିଷ୍କ । ତେଣୁ ମସ୍ତିଷ୍କ ପରି ସବୁଠୁ ସମ୍ବେଦନଶୀଳ ଓ ଗୁରୁତ୍ୱପୂର୍ଣ୍ଣ ଅଂଶ କ୍ଷତିଗ୍ରସ୍ତ ହଲେ ଏହା ଶରୀର ଅନ୍ୟାନ୍ୟ ମେକାନିଜିମକୁ ପ୍ରଭାବିତ କରିଥାଏ । ଆଉ ବେଳେ ବେଳେ ଏହା ପ୍ରଭାବିତ ବ୍ୟକ୍ତିର ଅନ୍ୟ କାର୍ଯ୍ୟକ୍ଷମତାକୁ ପ୍ରଭାବିତ କରେ । ସବୁଠୁ ବଡ କଥା ହେଲା ମସ୍ତିଷ୍କ ସଂପର୍କିତ ସମସ୍ୟା ବ୍ୟକ୍ତିର ଯୌନ ସ୍ୱାସ୍ଥ୍ୟ ଉପରେ ମଧ୍ୟ ବ୍ୟାପକ ପ୍ରଭାବ ପକାଏ । ବ୍ରେନ ଡ୍ୟାମେଜ୍ ଲୋକକୁ ଦୁର୍ବଳ କରିଦିଏ । ସେ ନିଜର ଶାରୀରିକ ଓ ଯୌନଗତ ଆବଶ୍ୟକତା ପରିପ୍ରକାଶ କରିପାରିରେ ନାହିଁ ।
ବ୍ରେନ ଟ୍ରମା ନେଇ ହାଇଦ୍ରାବାଦ ସ୍ଥିତ ମାଇକ୍ରୋ ସର୍ଜିକାଲ୍ ଆଂଡ୍ରୋଲୋଜିଷ୍ଟ ଡକ୍ଟର ରାହୁଲ ରେଡ୍ଡୀଙ୍କ ସହ ଆମେ ଆଲୋଚନା କରିଥିଲୁ । ଡକ୍ଟର ରାହୁଲଙ୍କ ଅନୁସାରେ କୌଣସି ଗୁରୁତର ଦୁର୍ଘଟଣା ବା ରୋଗ ଦ୍ୱାରା ବ୍ରେନ୍ ଟ୍ରମା ହୋଇଥାଏ । ଏପରି ହେଲେ ମସ୍ତିଷ୍କ ସୂଚାରୁ ରୂପେ କାର୍ଯ୍ୟ କରିପାରେ ନାହିଁ । ଏହାର କ୍ରିୟା ପ୍ରତିକ୍ରିୟା ସୀମିତ ହୋଇଯାଏ । ବ୍ରେନ୍ର ଦୁର୍ବଳ ସ୍ଥିତି ବଂଶାନୁକ୍ରମିକ ହୋଇ ନ ଥାଏ । ତାହା ନିର୍ଦ୍ଦିଷ୍ଟ ସଂକ୍ରମଣ ବା ହାଇପରଟେନସନ ଯୋଗୁଁ ବି ସୃଷ୍ଟି ହୋଇଥାଏ । ଏହା ବ୍ୟତୀତ ଦୁର୍ଘଟଣାରେ ମସ୍ତିଷ୍କର ରକ୍ତ ଶିରା କ୍ଷତିଗ୍ରସ୍ତ ହେଲେ ତାହା ବ୍ରେନ୍ ଟ୍ରମା ସୃଷ୍ଟି କରେ । ଏହା ‘ସେରେବ୍ରୋଭସ୍କ୍ୟୁଲାର ଇଂଜୁରୀ’ ଭାବେ ପରିଚିତ । ଏଭଳି ସ୍ଥିତି ଦ୍ୱାରା ଶରୀର ଉପରେ ମାତ୍ରାଧିକ କୁପ୍ରଭାବ ପଡେ ।
ତେବେ, ବ୍ରେନ ଇଂଜୁରୀ ପୁରୁଷର ଯୌନ ସ୍ୱାସ୍ଥ୍ୟକୁ ବି ପ୍ରଭାବିତ କରେ ବୋଲି ଡକ୍ଟର ରେଡ୍ଡି କହନ୍ତି । ଏଭଳି ସ୍ଥିତିରେ ପୁରୁଷର ଯୌନାଙ୍ଗ ଉତ୍ତେଜିତ ହେବା ନେଇ ସୂଚନା ଦେଉଥିବା ମସ୍ତିଷ୍କର ଅଂଶ କ୍ଷତିଗ୍ରସ୍ତ ହୋଇଯାଏ । ପରିଣାମ ସ୍ୱରୂପ ବ୍ୟକ୍ତି ଯୌନ ସଂପର୍କ ରଖିବାରେ ସମର୍ଥ ହୋଇପାରେ ନାହିଁ । ଯୌନଗତ ଭାବେ ସେ ଦୁର୍ବଳ ହୋଇଯାଏ । ଏଭଳି ଜଟିଳ ପରିସ୍ଥିତିରୁ ସୁସ୍ଥ ହେବା କଷ୍ଟକର । ଆଉ ଜଣେ ବ୍ୟକ୍ତି ଯଦି ୪୦ ବର୍ଷରୁ କମ୍ ବୟସ୍କ ହୋଇଥିବେ,ତାହା ହେଲେ ଏଭଳି ଏକ ବୟସରେ ଯୌନ ଅକ୍ଷମତା ସଂପୃକ୍ତ ବ୍ୟକ୍ତିଙ୍କୁ ମାନସିକ ଭାବେ ବିଚଳିତ କରେ ।
ଯୌନଗତ ଆଚରଣରେ ପରିବର୍ତ୍ତନ
କୌଣସି ଦୁର୍ଘଟଣା ଯୋଗୁଁ ବ୍ରେନ ଇଂଜୁରୀ ପୁରୁଷର ଯୌନ କ୍ଷମତାକୁ କିଭଳି ପ୍ରଭାବିତ କରେ, ସେ ନେଇ ଆମ ବିଶେଷଜ୍ଞ ବିସ୍ତୃତ ସୂଚନା ଦେଇଛନ୍ତି ।
୧. ଯୌନ ଇଚ୍ଛା ହ୍ରାସ
କୌଣସି କାରଣରୁ ବ୍ରେନ୍ ଇଂଜୁରୀ ସ୍ଥଳେ, ଆମର ବିଭିନ୍ନ ଭାବନାକୁ ନିୟନ୍ତ୍ରଣ କରୁଥିବା ବ୍ରେନର୍ ସେହି ଅଂଶ ଯଦି କ୍ଷତିଗ୍ରସ୍ତ ହୋଇଯାଏ,ତାହା ହେଲେ ରୋଗୀଠାରେ ଯୌନ ଇଚ୍ଛା ହ୍ରାସ ପାଏ ।
୨. ଦୁର୍ବଳତା ଓ ଚରମାନନ୍ଦ ପ୍ରାପ୍ତିରେ ଅସମର୍ଥ
ବ୍ରେନ ଟ୍ରମା ଯୋଗୁଁ ଅସ୍ଥାୟୀ ବା ସ୍ଥାୟୀ ଦୁର୍ବଳତା ଦେଖାଯାଏ । ଏହାବାଦ୍ ଯୌନ ଦୁର୍ବଳତାରେ ପୀଡିତ ଥିବା ମହିଳା ବା ପୁରୁଷଙ୍କ ପାଇଁ ଚରମାନନ୍ଦ ପ୍ରାପ୍ତିରେ ବି ସମସ୍ୟାର ସମ୍ମୁଖୀନ ହୁଅନ୍ତି । ଅବସାଦ, ଚିନ୍ତା ଓ ବ୍ୟକ୍ତିଗତ ସଂପର୍କରେ ସମସ୍ୟା ବି ଯୌନ ସମ୍ଭୋଗ ଇଚ୍ଛା କମ୍ କରିଥାଏ ।
୩. ବ୍ରେନ ଟ୍ରମା ଓ ଶାରୀରିକ ସମସ୍ୟା