ନୂଆଦିଲ୍ଲୀ: ଦେଶରେ ଡାକ୍ତରୀ ପଢି ପାରିବେ ବିଦେଶ ଫେରନ୍ତା ଛାତ୍ରଛାତ୍ରୀ । ଏନେଇ ସୁପ୍ରିମକୋର୍ଟ ରାୟ ଶୁଣାଇଛନ୍ତି । କୋଭିଡ ମହାମାରୀ ଏବଂ ଋଷ-ୟୁକ୍ରେନ ଯୁଦ୍ଧ କାରଣରୁ ଯୁକ୍ରେନ, ଚୀନ୍ ଏବଂ ଫିଲିପାଇନ୍ସରୁ ଫେରି ଆସିଥିବା ଏମବିବିଏସ ଛାତ୍ରମାନଙ୍କୁ ଦେଶରେ ପଢିବାକୁ ଅନୁମତି ଦେବାକୁ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ ନ୍ୟାୟାଳୟ ।
ଅତିରିକ୍ତ ସଲିସିଟର ଜେନେରାଲ ଐଶ୍ୱର୍ଯ୍ୟା ଭାତି ଜଷ୍ଟିସ ବି.ଆର ଗାଭି ନ୍ୟାସନାଲ ମେଡିକାଲ କାଉନସିଲ(ଏନଏମସି) ର ପ୍ରତିନିଧିତ୍ବ ସହିତ ସ୍ୱାସ୍ଥ୍ୟ ସେବା ନିର୍ଦ୍ଦେଶାଳୟର ଅଧ୍ୟକ୍ଷତାରେ ଗଠିତ ଏକ କମିଟି ପରାମର୍ଶ ଦେଇଛି ଯେ, ଶେଷ ବର୍ଷର ଛାତ୍ର ଏବଂ ଯେଉଁମାନେ ଅନଲାଇନରେ ଅଧ୍ୟୟନ କରିଥିଲେ ସେମାନଙ୍କୁ MBBS ଫାଇନାଲ ପରୀକ୍ଷା କ୍ଲିୟର୍ କରିବାର ସୁଯୋଗ ଦିଆଯିବ । ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟ ଏକ ଅନୁପାଳନ ପତ୍ରରେ କହିଛନ୍ତି ଯେ, NMC ସିଲାବସ୍ ଏବଂ ନିର୍ଦ୍ଦେଶାବଳୀ ଅନୁଯାୟୀ ଛାତ୍ରଛାତ୍ରୀମାନେ MBBS ଫାଇନାଲ୍, ଉଭୟ ପ୍ରଥମ ଓ ଦ୍ବିତୀୟ ପରୀକ୍ଷା(ପ୍ରାକ୍ଟିକାଲ୍-ଥିଓରୀ) କ୍ଲିୟର୍ କରିବାକୁ ଏକକ ସୁଯୋଗ ଦିଆଯାଇପାରେ । ପ୍ରଥମ ଭାଗ ପରୀକ୍ଷାରେ ଉତ୍ତୀର୍ଣ୍ଣ ହେବା ପରେ ଯାଇ ଦ୍ବିତୀୟ ଭାଗ ପରୀକ୍ଷା ଦେବାକୁ ଅନୁମତି ମିଳିବ ।
ଏହି ଆଫିଡେଭିଟ୍ରେ ଆହୁରି ମଧ୍ୟ କୁହାଯାଇଛି ଯେ, ଏହି ଦୁଇଟି ପରୀକ୍ଷା କ୍ଲିୟର୍ କରିବା ପରେ ସେମାନଙ୍କୁ 2 ବର୍ଷ ବାଧ୍ୟତାମୂଳକ ରୋଟାଟୋରୀ ଇଣ୍ଟର୍ନସିପ୍ ସମାପ୍ତ କରିବାକୁ ପଡିବ, ଯାହାର ପ୍ରଥମ ବର୍ଷରେ ଆର୍ଥିକ ଅନୁଦାନ ମିଳିବ ନାହିଁ ଏବଂ ଦ୍ୱିତୀୟ ବର୍ଷ NMC ନିଷ୍ପତ୍ତି ଅନୁଯାୟୀ ଅନୁଦାନ ପ୍ରଦାନ କରାଯିବ । ଭାରତୀୟ ଏମବିବିଏସ୍ ପରୀକ୍ଷଣର ଢାଞ୍ଚାରେ ଥିଓରୀ ପରୀକ୍ଷା କେନ୍ଦ୍ରୀୟ ଏବଂ ଶାରୀରିକ ପରୀକ୍ଷା କରାଯିବ । ପ୍ରାକ୍ଟିକାଲ୍ ପରୀକ୍ଷା କେତେକ ସରକାରୀ ମେଡିକାଲରେ କରାଯାଇପାରିବ ବୋଲି କୁହାଯାଇଛି ।
ଜଷ୍ଟିସ ବିକ୍ରମ ନାଥଙ୍କୁ ନେଇ ଗଠିତ ଏହି ବେଞ୍ଚରେ କୁହାଯାଇଛି ଯେ, ସାମାନ୍ୟ ପରିବର୍ତ୍ତନ ଅନୁଯାୟୀ କମିଟିର ରିପୋର୍ଟକୁ କୋର୍ଟ ଗ୍ରହଣ କରିଛନ୍ତି । ଛାତ୍ରଛାତ୍ରୀଙ୍କୁ ଏମବିବିଏସ ଫାଇନାଲ, ଉଭୟ ଭାଗ ପ୍ରଥମ ଏବଂ ଦ୍ୱିତୀୟ ପରୀକ୍ଷାକୁ ସଫା କରିବାର ଏକକ ସୁଯୋଗ ଦିଆଯାଉଛି, ଯେପରି ଛାତ୍ରଙ୍କୁ ଏକକ ଦିଆଯାଉଛି । ଏହାପୂର୍ବରୁ ସର୍ବୋଚ୍ଚ ନ୍ୟାୟାଳୟ ବିଦେଶରୁ ଫେରିଥିବା ଛାତ୍ରଛାତ୍ରୀଙ୍କ ସମ୍ମୁଖୀନ ହେଉଥିବା ସମସ୍ୟାର ବିଚାର କରିବାକୁ କେନ୍ଦ୍ର ସରକାରଙ୍କୁ କହିଥିଲେ ।
କୋଭିଡ ମହାମାରୀ ଏବଂ ଋଷ୍-ୟୁକ୍ରେନ୍ ଯୁଦ୍ଧ କାରଣରୁ ହଜାର ହଜାର ଡାକ୍ତରୀ ଛାତ୍ର ବିଦେଶରୁ ଆସି ଘରେ ବସିଛନ୍ତି । ପୂର୍ବରୁ ମଧ୍ୟ ଏହି ଛାତ୍ରମାନେ ଦେଶରେ ପଢିବାର ଅନୁମତି ପାଇଁ ଆବେଦନ କରିଥିଲେ । ବର୍ତ୍ତମାନ ସୁପ୍ରିମକୋର୍ଟ ସେମାନଙ୍କ ଦାବିକୁ ଗୁରୁତର ସହ ଗ୍ରହଣ କରିଛନ୍ତି ।
