ହାଇଦ୍ରାବାଦ: ପ୍ରଚେଷ୍ଟା ସତ୍ତ୍ବେ ବିଶ୍ବରେ ମୂଳପୋଛ ହୋଇପାରୁନାହିଁ କୋରୋନା ସଂକ୍ରମଣ । 3 ବର୍ଷରୁ ଊର୍ଦ୍ଧ୍ବ ହେବ ଏହା ଏକ ପ୍ରକାର ଚିନ୍ତାର କାରଣ ପାଲଟିଛି । କୋରୋନାର ନାମ ଶୁଣିଲେ ହିଁ 2021 ମସହିରା ଦାରୁଣ କାହାଣୀ ଆଖି ସାମ୍ନାକୁ ଆସିଯାଉଛି । ଯଦିଓ ବର୍ତ୍ତମାନ କୋରୋନାର ପ୍ରାଦୁର୍ଭାବ କମିଯାଉଛି କିନ୍ତୁ ଅନେକ ଦେଶରେ ଏହାର ଭାରିଆଣ୍ଟର ଚର୍ଚ୍ଚା ଜୋର ଧରିଛି । ଏଭଳି ଏକ ଖବର ବର୍ତ୍ତମାନ ବ୍ରିଟେନରୁ ସାମ୍ନାକୁ ଆସିଛି । ଏକ ରିପୋର୍ଟରେ କୁହାଯାଇଛି ଯେ, କରୋନାର ନୂଆ ଭାରିଆଣ୍ଟ EG.5.1 ବର୍ତ୍ତମାନ ବ୍ରିଟେନରେ ଦ୍ରୁତ ଗତିରେ ବ୍ୟାପୁଛି, ଯାହାକୁ ଏରିସ୍ ନାମରେ ନାମିତ କରାଯାଇଛି।
ସୂଚନା ଅନୁସାରେ, ବର୍ତ୍ତମାନ ବ୍ରିଟେନରେ ଶୀତ ଆରମ୍ଭ ହେବାକୁ ଯାଉଥିବା ବେଳେ ଏହି ଭାରିଆଣ୍ଟ୍ ଦ୍ରୁତଗତିରେ ବ୍ୟାପିବାରେ ଲାଗିଛି । ତେବେ ରୋଗୀଙ୍କ ସଂଖ୍ୟା ବୃଦ୍ଧି ପାଉଥିବା ବେଳେ ସ୍ବାସ୍ଥ୍ୟ ବିଭାଗ ପକ୍ଷରୁ ସତର୍କ ସୂଚନା ଜାରି କରାଯାଇଛି । ଏହି ଭାରିଆଣ୍ଟ ଓମିକ୍ରନ୍ର ସବ ଭାରିଆଣ୍ଟ୍ ବୋଲି କୁହାଯାଉଛି । ଏହି ଭାରିଆଣ୍ଟ କାୟା ବିସ୍ତାର କରିବା ପରେ ପୁଣି ଲୋକଙ୍କ ମନରେ ଛନକା ପଶିଛି ।
ଆଗାମୀ ଦିନରେ ମାମଲା ବୃଦ୍ଧି ନେଇ ଆଶା କରାଯାଉଛି: ବ୍ରିଟେନ୍ର ସ୍ୱାସ୍ଥ୍ୟ ସୁରକ୍ଷା ଏଜେନ୍ସି (UKHSA) ଅନୁଯାୟୀ, କୋରୋନାର 7ଟି ମାମଲା ସାମ୍ନାକୁ ଆସିଛି ଯାହା କୋରୋନା ଭାଇରସ ସହିତ ଜଡ଼ିତ । ତଥ୍ୟ ଅନୁଯାୟୀ, କୋଭିଡର ମୋଟ ମାମଲା ମଧ୍ୟରୁ 14 ପ୍ରତିଶତ ମାମଲା କେବଳ ଏରିସ୍ ଭାରିଆଣ୍ଟ ସହିତ ଜଡିତ । UKHSA କହିଛି ଯେ, ପୂର୍ବ ସପ୍ତାହ ତୁଳନାରେ କୋଭିଡ ମାମଲା ପ୍ରତି ସପ୍ତାହରେ ଦ୍ରୁତ ଗତିରେ ବଢିବାରେ ଲାଗିଛି । ରେସ୍ପିରେଟରୀ ଡାଟାମାର୍ଟ ସିଷ୍ଟମର ରିପୋର୍ଟ ଅନୁଯାୟୀ ଏପର୍ଯ୍ୟନ୍ତ 4 ହଜାରରୁ ଅଧିକ ପରୀକ୍ଷା କରାଯାଇଛି, ସେଥିମଧ୍ୟରୁ 5.4 ପ୍ରତିଶତ ମାମଲା କୋଭିଡ ବୋଲି ଚିହ୍ନଟ ହୋଇଛି । ପୂର୍ବ ରିପୋର୍ଟରେ, 4 ହଜାରରୁ ଅଧିକ ପରୀକ୍ଷାରେ 3.7ରୋଗୀଙ୍କ ରିପୋର୍ଟ କୋଭିଡ ପଜିଟିଭ ଚିହ୍ନଟ ହୋଇଥିଲା ।
ପ୍ରଥମ ମାମଲା ଏହି ଦିନ ଆସିଥିଲା: ଏହି ଭାରିଆଣ୍ଟ୍ର ପ୍ରଥମ ମାମଲା 3 ଜୁଲାଇରେ ଜଣା ପଡିଥିଲା । ଯେଉଁମାନେ ଅନ୍ୟଦେଶରୁ ଆସୁଛନ୍ତି, ସେମାନଙ୍କ ସ୍ବାସ୍ଥ୍ୟ ଉପରେ ବିଶେଷ ଯତ୍ନ ଦିଆଯାଉଛି । ତେବେ ସବୁଠାରୁ ଚିନ୍ତାର ବିଷୟ ଏହା ଯେ, ବର୍ତ୍ତମାନ ଶୀତଋତୁ ଆରମ୍ଭ ହେବାକୁ ବସିଥିବା ବେଳେ ଏହି ସମୟରେ ଏହି ଭାଇରସ୍ କାୟା ବିସ୍ତାର କରୁଛି ।