ହାଇଦ୍ରାବାଦ: କୋରୋନା ପରଠାରୁ ହୃଦ୍ରୋଗର ଆଶଙ୍କା କ୍ରମାଗତ ଭାବରେ ବୃଦ୍ଧି ପାଉଛି । ଅଧିକାଂଶ ଯୁବକ ଏହାର କବଳରେ କବଳିତ ହେଉଛନ୍ତି । ପୂର୍ବ କାଳରେ, ବୃଦ୍ଧାବସ୍ଥାରେ ଲୋକମାନେ ହୃଦ୍ରୋଗର ଶିକାର ହେଉଥିଲେ, ବର୍ତ୍ତମାନ କିନ୍ତୁ ଖରାପ ଜୀବନଶୈଳୀ କାରଣରୁ, ଯୁବକମାନେ ହୃଦରୋଗ ଏବଂ ହୃଦଘାତର ଶିକାର ହେଉଛନ୍ତି । ବାସ୍ତବରେ, ଖାଦ୍ୟରେ ଅସନ୍ତୁଳନ କୋଲେଷ୍ଟ୍ରଲ ବୃଦ୍ଧିପାଇଁ ହୃଦରୋଗ ବା ହାର୍ଟ୍ ଆଟାକ ହୋଇଥାଏ ।
ହୃଦ୍ ରୋଗ ଏକ ଗମ୍ଭୀର ରୋଗ, ସେଥିମଧ୍ୟରୁ ଗୋଟିଏ ହେଉଛି ଇସକେମିକ୍ ହୃଦରୋଗ(Ischemic Heart Disease), ଯାହା କରୋନାରୀ ଧମନୀ ରୋଗ ଭାବରେ ମଧ୍ୟ ଜଣାଶୁଣା । ଏହା ଏକ ଅବସ୍ଥା ଯାହା ହୃଦୟକୁ ରକ୍ତ ଯୋଗାଣକୁ ପ୍ରଭାବିତ କରିଥାଏ । ରକ୍ତବାହୀରେ କୋଲେଷ୍ଟ୍ରଲ ଜମା ହେବା କାରଣରୁ ରକ୍ତ ନଳୀଗୁଡିକ ବାଧାପ୍ରାପ୍ତ ହୁଏ । ଏହା ହୃଦୟ ମାଂସପେଶୀରେ ଅମ୍ଳଜାନ ଏବଂ ପୋଷକ ତତ୍ତ୍ୱ ଯୋଗାଣକୁ ହ୍ରାସ କରିଥାଏ । ଫଳରେ ହୃଦଘାତ ହୋଇଥାଏ ।
ଇସକେମିକ୍ ହୃଦ୍ ରୋଗର କାରଣ-ସାଧାରଣତ, ଅସନ୍ତୁଳିତ ଖାଦ୍ୟ ଏବଂ ଖରାପ ଜୀବନଶୈଳୀ ହେତୁ ଏହି ରୋଗ ହୁଏ, କିନ୍ତୁ କେତେକ ଲୋକଙ୍କଠାରେ ଏହି ସମସ୍ୟା ଅନ୍ୟ ଅନେକ କାରଣରୁ ହୋଇପାରେ, ଯେପରିକି ଧୂମପାନ କରୁଥିବା ଲୋକ ଏହି ରୋଗରେ ପୀଡିତ ହେବାର ଆଶଙ୍କା ଅଧିକ । ଏଥିରେ କୋଲେଷ୍ଟ୍ରଲ ଏବଂ ଚର୍ବି ଧମନୀରେ ଜମା ହୋଇଯାଏ । ଧମନୀରେ ପ୍ଲେକ୍ ଜମା ହେବା କାରଣରୁ ହୃଦୟ ସମେତ ଶରୀରର ବିଭିନ୍ନ ଅଂଶକୁ ରକ୍ତ ଯୋଗାଣ ସଠିକ୍ ଭାବରେ କରାଯାଇ ନଥାଏ, ଯେଉଁ କାରଣରୁ ଅନେକ ଗୁରୁତର ସମସ୍ୟା ଦେଖାଦେଇଥାଏ ।
ଅନେକ ଗବେଷଣା ଏବଂ ଅଧ୍ୟୟନ ନିଶ୍ଚିତ କରେ ଯେ, ଇସ୍କେମିକ୍ ହୃଦରୋଗ ନିଦ୍ରା ସମ୍ବନ୍ଧୀୟ ସମସ୍ୟା ହେତୁ ମଧ୍ୟ ହୋଇପାରେ । ଖରାପ ନିଦ ଏବଂ ନିଦ୍ରାର ଅଭାବ ହେତୁ ଏହି ସମସ୍ୟାର ଆଶଙ୍କା ରହିଥାଏ । ଏହାର ଅନ୍ୟାନ୍ୟ କାରଣ ମଧ୍ୟରୁ ହାଇପର ଟେନସନ କିମ୍ବା ଉଚ୍ଚ ରକ୍ତଚାପ, ଅସନ୍ତୁଳିତ ଖାଦ୍ୟ ଏବଂ ଖରାପ ଜୀବନଶୈଳୀ, ଧୂମପାନ, ମଦ୍ୟପାନ ଏବଂ ନିଶା ସେବନ, ଖରାପ ନିଦ, ଉଚ୍ଚ କୋଲେଷ୍ଟ୍ରଲ, ମେଦବହୁଳତା ଇତ୍ୟାଦି ।
ଇସକେମିକ୍ ହୃଦ୍ ରୋଗର ଲକ୍ଷଣ-ପ୍ରାରମ୍ଭରେ, ହୃଦରୋଗରେ କୌଣସି ଲକ୍ଷଣ ଦେଖାଯାଏ ନାହିଁ, କିନ୍ତୁ ଆଭ୍ୟନ୍ତରୀଣ ସମସ୍ୟା ବଢିବା ସହିତ ଏହାର ଲକ୍ଷଣ ଦେଖାଯିବା ଆରମ୍ଭ କରେ । ପ୍ରାରମ୍ଭରେ, ଛାତିରେ ଯନ୍ତ୍ରଣା, କ୍ରମାଗତ କାଶ ଏବଂ ଶ୍ୱାସକ୍ରିୟାରେ ସମସ୍ୟା ରହିଥାଏ । ଏହାପରେ, ସମସ୍ୟା ବଢିବା ସହିତ ଛାତିରେ ଯନ୍ତ୍ରଣା, ହାତ ଏବଂ ପାଦରେ ଥକ୍କା ଏବଂ କଠିନତା, ମୁଣ୍ଡ ବୁଲାଇବା ଏବଂ ବାନ୍ତି, କହିବାରେ ଅସୁବିଧା ଏବଂ ଦୁର୍ବଳତା ଇତ୍ୟାଦି ।
ଇସକେମିକ୍ ହୃଦ୍ ରୋଗକୁ କିପରି ରୋକାଯାଇପାରିବ-ମେଦବହୁଳ ବ୍ୟକ୍ତିମାନେ ଏକ ସୁସ୍ଥ BMI(Body Mass Index)ସ୍ତର ବଜାୟ ରଖିବା ସହ ଓଜନ ହ୍ରାସ କରିବା ଉଚିତ୍ । ନିୟମିତ ଶାରୀରିକ ବ୍ୟାୟାମ କରିବାକୁ ପଡିବ ଏବଂ ଧୂମପାନ ଭଳି ଅଭ୍ୟାସ ତ୍ୟାଗ କରିବାକୁ ପଡିବ । ଏକ ସୁସ୍ଥ ଜୀବନଶୈଳୀ ଆପଣାଇବାକୁ ପଡ଼ିବ, କେବଳ ଏହାକୁ ଅନୁସରଣ କରି ହୃତପିଣ୍ଡଜନିତ ସମସ୍ୟା କମିଯାଇପାରେ । ଚର୍ବିରେ କମ୍ ଏବଂ ଫଳ, ପନିପରିବା ଏବଂ ପୁରା ଶସ୍ୟରେ ଭରପୂର ଏକ ଖାଦ୍ୟ ଅନୁସରଣ କରିବା ଜରୁରୀ ।
Disclaimer:ଉପରସ୍ଥ ସମସ୍ତ ତଥ୍ୟ ସାଧାରଣ ସୂଚନା ଉପରେ ଆଧାରିତ । କୌଣସି ଜଟିଳ ସ୍ବାସ୍ଥ୍ୟ ସମସ୍ୟା ପାଇଁ ସର୍ବଦା ଡାକ୍ତରଙ୍କ ପରାମର୍ଶ ଅପରିହାର୍ଯ୍ୟ ।
