ହାଇଦ୍ରାବାଦ: ନେଫ୍ରୋଟିକ୍ ସିଣ୍ଡ୍ରୋମ ଏକ ରୋଗ ନୁହେଁ ବରଂ ଏହା ଅନେକ ଲକ୍ଷଣର ଗୋଷ୍ଠୀ । ବାସ୍ତବରେ ଏହା ଏକ କିଡନୀ ସମସ୍ୟା । କିଡନୀ ସଠିକ୍ ଭାବରେ କାର୍ଯ୍ୟ କରିବାରେ ଅକ୍ଷମତା ହେତୁ ଏହି ସମସ୍ୟା ଦେଖାଦେଇଥାଏ । ଯଦିଓ ନେଫ୍ରୋଟିକ୍ ସିଣ୍ଡ୍ରୋମ ଯେକୌଣସି ବୟସରେ ହୋଇପାରେ, କିନ୍ତୁ ପିଲାମାନଙ୍କଠାରେ ଏହି ସମସ୍ୟା ଅଧିକ ଦେଖାଯାଏ । ଏହି ସମସ୍ୟାରେ କିଡନୀରୁ ମୂତ୍ର ମାଧ୍ୟମରେ ଅଧିକ ପରିମାଣର ପ୍ରୋଟିନ୍ ନିର୍ଗତ ହୋଇଥାଏ ।
ଯେତେବେଳେ ଏହା ଘଟେ, ନେଫ୍ରୋଟିକ୍ ସିଣ୍ଡ୍ରୋମର ଆଶଙ୍କା ବଢିଯାଏ । ଏହି ସମସ୍ୟା ଅନେକ ବିପଦ ସୃଷ୍ଟି କରିପାରେ । ତେବେ ନେଫ୍ରୋଟିକ୍ ସିଣ୍ଡ୍ରୋମ କଣ, କାହିଁକି ହୋଇଥାଏ, ଜାଣନ୍ତୁ...
ଏହା ମଧ୍ୟ ପଢନ୍ତୁ:-Rare Disease Day: ସଚେତନ ରହିଲେ ବିରଳ ରୋଗ ବି ଦୂର ହୋଇପାରିବ
ନେଫ୍ରୋଟିକ୍ ସିଣ୍ଡ୍ରୋମ୍ କ'ଣ ?
ଏକ ସ୍ୱାସ୍ଥ୍ୟ ୱେବସାଇଟ୍ ଅନୁଯାୟୀ, ନେଫ୍ରୋଟିକ୍ ସିଣ୍ଡ୍ରୋମ୍ ଏକ ସାଧାରଣ ସମସ୍ୟା । ଏହା 2 ରୁ 6 ବର୍ଷର ପିଲାମାନଙ୍କଠାରେ ଅଧିକ ଦେଖାଯାଏ । ଶରୀରର ବିଷାକ୍ତ ପଦାର୍ଥ ବାହାର କରି କିଡନୀ ଡିଟକ୍ସ କରିଥାଏ । କିନ୍ତୁ ଯେତେବେଳେ କିଡନୀରେ ଥିବା ଛିଦ୍ରଗୁଡ଼ିକ ବଡ଼ ହୋଇଯାଏ, ସେତେବେଳେ କିଡନୀ ପରିସ୍ରା ସହିତ ପ୍ରୋଟିନ୍ ବାହାର କରିବା ଆରମ୍ଭ କରେ । ଏହି କାରଣରୁ ଶରୀରରେ ପ୍ରୋଟିନର ଅଭାବ ଆରମ୍ଭ ହୁଏ ଏବଂ ନେଫ୍ରୋଟିକ୍ ସିଣ୍ଡ୍ରୋମ ବଢିଯାଏ । ପ୍ରୋଟିନର ଅଭାବ କାରଣରୁ ପେଟ ଫୁଲା ଏବଂ ପେଟରେ ଯନ୍ତ୍ରଣା, ଆଖି-ଚର୍ମ ସମସ୍ୟା ଏବଂ କୋଲେଷ୍ଟ୍ରଲ ବୃଦ୍ଧି ପାଇପାରେ ।