ହାଇଦ୍ରାବାଦ: ଯଦି ଆପଣଙ୍କର ରକ୍ତଚାପ କମ୍ ଅଛି ତେବେ ସତର୍କ ହୋଇଯାଆନ୍ତୁ । କମ୍ ବିପି ଅର୍ଥ ହାଇପୋଟେନ୍ସନ୍, ଯାହାକୁ ପ୍ରାୟତଃ ଅଣଦେଖା କରାଯାଏ, ଏହା ବିପଜ୍ଜନକ ହୋଇପାରେ । ଔଷଧ ବିନା ଜୀବନଶୈଳୀରେ ପରିବର୍ତ୍ତନ ଆଣିପାରିଲେ ଏହି ସମସ୍ୟା ସମାଧାନ ହୋଇପାରିବ । ନିମ୍ନ ରକ୍ତଚାପ ପରିଚାଳନା ପାଇଁ କଣ କରିବେ, ଜାଣନ୍ତୁ
ଜଣେ ସାଧାରଣ ବ୍ୟକ୍ତିର BP କିପରି ରିହିବା ଉଚିତ୍ ?
ନିମ୍ନ ରକ୍ତଚାପକୁ ସାଧାରଣତଃ ଚିହ୍ନଟ କରାଯାଇ ପାରେନାହିଁ । କାରଣ ଏହାର ଲକ୍ଷଣ ପ୍ରାରମ୍ଭିକ ପର୍ଯାୟରେ ଦେଖାଯାଏନି । ଆରମ୍ଭରେ ଏହାକୁ ଚିହ୍ନଟ କରିବା ଅତ୍ୟନ୍ତ କଷ୍ଟକର । ଯଦି ଆପଣ ଜଣେ ବୟସ୍କ ଅଟନ୍ତି ତେବେ BP(ବ୍ଲଡ୍ ପ୍ରେସର୍) 120/80 mmHg ହେବା ଉଚିତ୍ । 90/60 mmHgରୁ କମ୍ BP ନିମ୍ନ ରକ୍ତଚାପ ରୂପେ ବିବେଚନା କରାଯାଏ । ଏହାକୁ ହାଇପୋଟେନ୍ସନ୍ କୁହାଯାଏ ।
ନିମ୍ନ ରକ୍ତଚାପର କାରଣ
- ଶରୀରର ଡିହାଇଡ୍ରେସନ୍
- ଅଧିକ ଚାପ
- ବହୁତ ସମୟ ପର୍ଯ୍ୟନ୍ତ ଭୋକରେ ରହିବା
- ଅସ୍ୱାସ୍ଥ୍ୟକର ଜୀବନଶୈଳୀ
- ଗଭୀର ଆଘାତ କିମ୍ବା ଅସ୍ତ୍ରୋପଚାର
ଏହା ମଧ୍ୟ ପଢନ୍ତୁ:-ସାବଧାନ ! ଥଣ୍ଡା, ଜ୍ବର ସମୟରେ ରେଡ୍ ୱାଇନ୍ ସମେତ ଏହି ସବୁ ଖାଦ୍ୟର ପାଖ ମାଡନ୍ତୁନି
ନିମ୍ନ ରକ୍ତଚାପର ଲକ୍ଷଣ
- ମୁଣ୍ଡ ବୁଲାଇବା
- ଅସ୍ପଷ୍ଟ ଦର୍ଶନ
- ଅତ୍ୟଧିକ ଥଣ୍ଡା
- ଅତ୍ୟଧିକ ଦୁର୍ବଳତା କିମ୍ବା ଥକ୍କା
ଯଦି ଏପରି ଲକ୍ଷଣ ଶରୀରରେ ଦୀର୍ଘ ସମୟ ପର୍ଯ୍ୟନ୍ତ ଦେଖାଯାଏ, ତେବେ ସତର୍କ ହେବା ଆବଶ୍ୟକ । କାରଣ ଏହା ଅତ୍ୟନ୍ତ ବିପଜ୍ଜନକ ହୋଇପାରେ । ନିମ୍ନ ରକ୍ତଚାପର ସ୍ଥିତିରେ ଶରୀରର ଅଙ୍ଗକୁ ରକ୍ତ ଯୋଗାଣ ଠିକ୍ ଭାବରେ ହୋଇପାରେ ନାହିଁ । ଏହି କାରଣରୁ, ହୃଦଘାତ, ଷ୍ଟ୍ରୋକ୍ ଏବଂ ଅନ୍ୟାନ୍ୟ ଗମ୍ଭୀର ସମସ୍ୟା ଆଶଙ୍କା ଥାଏ ।
ଏହା ମଧ୍ୟ ପଢନ୍ତୁ:-ବାରମ୍ବାର ଭୋକ ଲାଗୁଛି କି ? ହୋଇପାରେ ଏହି ରୋଗ
ରକ୍ତଚାପର ପରିଚାଳନା
ଏଥିପାଇଁ ଡାଏଟ୍ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ । ବିପି ପରିଚାଳନା ପାଇଁ କିଛି ଜିନିଷର ଯତ୍ନ ନେବା ଉଚିତ୍
- ଅଧିକରୁ ଅଧିକ ପାଣି ପିଅନ୍ତୁ, ଯାହା ଦ୍ବାରା ଶରୀର ହାଇଡ୍ରେଟ୍ ରହିବ
- ଲୁଣ ସହ ବିପି ସ୍ତରକୁ ସଠିକ୍ ରଖାଯାଇପାରିବ । ସେଥିପାଇଁ ଖାଦ୍ୟରେ ସୋଡିୟମର ପରିମାଣ ଠିକ୍ ରଖନ୍ତୁ
- ଖାଦ୍ୟରେ ଚା-କଫି ପରି କ୍ୟାଫିନଯୁକ୍ତ ଜିନିଷ ହ୍ରାସ କରନ୍ତୁ
- ଋତୁକାଳୀନ ଫଳ ଏବଂ ପନିପରିବା ଖାଆନ୍ତୁ
- ଯଦି BPର ଅଧିକ ସମସ୍ୟା ଥାଏ ତେବେ ଡାକ୍ତରଙ୍କ ସହିତ ଯୋଗାଯୋଗ କରନ୍ତୁ
Disclaimer:ଉପରିସ୍ଥ ସମସ୍ତ ବିବରଣୀ କେବଳ ସାଧାରଣ ସୂଚନା ଉପରେ ଆଧାରିତ । କୌଣସି ସ୍ବାସ୍ଥ୍ୟ ସମସ୍ୟା ପାଇଁ ଡାକ୍ତରଙ୍କ ପରାମର୍ଶ ଅତ୍ୟନ୍ତ ଆବଶ୍ୟକ ।
