ହାଇଦ୍ରାବାଦ: ଆମ ଶରୀର ସୁସ୍ଥ ରହିବା ପାଇଁ ବିଭିନ୍ନ ପ୍ରକାର ମିନେରାଲ୍ସ ଓ ଭିଟାମିନ୍ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥାନ୍ତି । ଯଦି ଏହି ଜିନିଷଗୁଡ଼ିକ ମଧ୍ୟରୁ ଗୋଟିଏର ଅଭାବ ହୁଏ, ତେବେ ସ୍ବାସ୍ଥ୍ୟ ଦୁର୍ବଳ ହେବା ଆରମ୍ଭ କରେ । ଏହି ସବୁ ମିନେରାଲ୍ସ ମଧ୍ୟରୁ ଆଇରନ୍ ବା ଲୌହ ଅନ୍ୟତମ । ଏହାର ଅଭାବ ହେତୁ ଶରୀରରେ ରକ୍ତହୀନତା(ଆନେମିଆ) ସମସ୍ୟା ଦେଖାଯାଏ । ତେବେ ଶରୀରରେ ଲୌହର ଅଭାବ ଅଛି ବୋଲି ଜାଣିବେ କିପରି, ଆଜିର ଆର୍ଟିକିଲରେ ଏହାର କେତେକ ଲକ୍ଷଣ ବାବଦରେ ଆଲୋଚନା କରିବା, ଯେଉଁ ଲକ୍ଷଣ ପରିଲିକ୍ଷିତ ହେବା ମାତ୍ରେ ତୁରନ୍ତ ଡାକ୍ତରଙ୍କ ସହିତ ଯୋଗାଯୋଗ କରିବା ଉଚିତ୍ ।
କୁଞ୍ଚନ- ଶରୀରରେ ଲୌହର ଅଭାବ ହେତୁ ଚର୍ମରେ ଏକଜେମା, ଜ୍ବଳନ ଏବଂ କୁଞ୍ଚନ ଭଳି ଲକ୍ଷଣ ଦେଖାଯାଏ । ଚର୍ମ ଅତ୍ୟଧିକ ଶୁଷ୍କ ହୋଇଯାଏ ।
ଡାର୍କ ସର୍କଲ୍- ଲୌହ ଅଭାବ ହେତୁ ଶରୀରରେ ଲୋହିତ ରକ୍ତ କଣିକା ସୃଷ୍ଟି ହୁଏ ନାହିଁ, ଯେଉଁ କାରଣରୁ ପର୍ଯ୍ୟାପ୍ତ ପରିମାଣର ଅମ୍ଳଜାନ ଚର୍ମର କୋଷରେ ପହଞ୍ଚିପାରେ ନାହିଁ । ଏହି କାରଣରୁ ଆଖିର ଚର୍ମ କଳା କିମ୍ବା ଗାଢ ହୋଇଯାଏ ।
ନଖ ଭାଙ୍ଗିବା- ଶରୀରରେ ଲୌହ ଅଭାବର ପ୍ରଭାବ ନଖ ଉପରେ ମଧ୍ୟ ପଡିପାରେ । ନଖ ଭାଙ୍ଗିବା ଦୁର୍ବଳ ହୋଇଯିବା ଆଇରନ୍ ଅଭାବ କାରଣରୁ ହୋଇପାରେ । ଏହା ବ୍ୟତୀତ ନଖଗୁଡ଼ିକ ମଧ୍ୟ ରଙ୍ଗୀନ ଦେଖାଯିବା ଆରମ୍ଭ କରେ, ଯଦି ଏହା ଆପଣଙ୍କ ସହ ଘଟୁଛି, ତେବେ ତୁରନ୍ତ ଡାକ୍ତରଙ୍କ ସହିତ ଯୋଗାଯୋଗ କରନ୍ତୁ ।
ଚର୍ମ ହଳଦିଆ ହୋଇଯାଏ- ଲୌହର ଅଭାବ ହେତୁ ଚର୍ମ ହଳଦିଆ ଦେଖାଯିବା ଆରମ୍ଭ କରେ । ଚର୍ମ ଫାଟିବା ଆରମ୍ଭ କରେ ଏବଂ ଜିଭ ମଧ୍ୟ ଧଳା ଦେଖାଯାଇଥାଏ ।