କାନବେରା: ଚର୍ଚ୍ଚାରେ ଅଷ୍ଟ୍ରେଲିଆର ସ୍ପର୍ମ ଡୋନର୍ । ଏକଦା ସ୍ପର୍ମ ଦାନ କରି ଚର୍ଚ୍ଚାରେ ଥିବା ଅଷ୍ଟ୍ରେଲିଆର ଜଣେ ନାଗରିକ ଆଉ ଥରେ ଚର୍ଚ୍ଚାର ପରିଧିକୁ ଟାଣିହୋଇ ଆସିଛନ୍ତି । ମିଡିଆ ରିପୋର୍ଟ ଅନୁସାରେ ସଂମ୍ପୃକ୍ତ ବ୍ୟକ୍ତିଙ୍କ ସ୍ପର୍ମରୁ ଜାତ ହୋଇଥିବା ସମସ୍ତ 60 ସନ୍ତାନ ଏକାପରି ଦେଖା ଯାଉଛନ୍ତି । 60 ପିଲା ଯଦି ସମାନ ଦେଖାଯିବେ, ତେବେ ହେବ କଣ ? ଏହାକୁ ନେଇ ଏବେ ସୃଷ୍ଟି ହୋଇଛି ଦ୍ବନ୍ଦ୍ବ ।
ଗତ କିଛି ବର୍ଷ ମଧ୍ୟରେ, ସମଗ୍ର ବିଶ୍ୱରେ ଶୁକ୍ରାଣୁ ବା ସ୍ପର୍ମ ଦାନ କରିବାର ଧାରା ଦ୍ରୁତ ଗତିରେ ବୃଦ୍ଧି ପାଇଛି । ଅନେକ ଲୋକ ସ୍ବତପ୍ରୋତଃ ଭାବେ ଏହି କାମ କରୁଛନ୍ତି । କିନ୍ତୁ ସ୍ପର୍ମଦାନ କରି 60 ସନ୍ତାନଙ୍କ ପିତା ହୋଇଥିବା ଏହି ବ୍ୟକ୍ତିଙ୍କୁ ନେଇ ଏବେ ଖୁବ୍ ଚର୍ଚ୍ଚା ହେଉଛି । ଖବର ଅନୁସାରେ ଏକ ପାର୍ଟିରେ ଯେତେବେଳେ ଏହି ପିଲାମାନେ ଏକାଠି ହୋଇଥିଲେ ସେତେବେଳେ ଉପୁଜିଥିଲା ସମସ୍ୟା । ସମସ୍ତ ପିଲା ଏକାଭଳି ଦେଖାଯାଇଥିଲେ, ଫଳରେ ସେମାନଙ୍କ ଅଭିଭାବକ ଦ୍ବନ୍ଦ୍ବରେ ପଡିଯାଇ ଥିଲେ । ସେମାନଙ୍କ ପିଲା କିଏ ଚିହ୍ନି ପାରିନଥିଲେ । ଏହାପରେ ସେମାନଙ୍କ ପିତା ଜଣେ ହୋଇଥିବାରୁ ସମାନ ଦେଖା ଯାଉଛନ୍ତି ବୋଲି ଡାକ୍ତରଙ୍କ ପାଖରୁ ଜାଣିବାକୁ ପାଇଛନ୍ତି ।