ଲସ୍ ଆଞ୍ଜେଲସ୍: ଗର୍ଭାବସ୍ଥା ସମୟରେ ଚିନ୍ତିତ ଥିବା ମହିଳାଙ୍କର ଆଗୁଆ ପ୍ରସବ ହେବାର ସମ୍ଭାବନା ରହିଛି(Anxiety during pregnancy may lead to premature births) । ନିକଟରେ ହୋଇଥିବା ଏକ ଅଧ୍ୟୟନ ଅନୁଯାୟୀ, ଯେଉଁ ମହିଳାମାନେ ଗର୍ଭାବସ୍ଥାରେ ଚିନ୍ତା ଅନୁଭବ କରନ୍ତି, ସେମାନଙ୍କର ଅନ୍ୟ ସାଧାରଣ ଗର୍ଭବତୀଙ୍କ ଅପେକ୍ଷା ସଠିକ୍ ସମୟ ପୂର୍ବରୁ ପିଲା ଜନ୍ମ ନେଇପାରେ । Health Psychology ପତ୍ରିକାରେ ନିକଟରେ ପ୍ରକାଶିତ ଏହି ଅନୁସନ୍ଧାନ, ମାଆମାନଙ୍କ ଅବସାଦ କି କି ପ୍ରଭାବ ପକାଉଛି ଜାଣିବା ପାଇଁ ଡାକ୍ତରଙ୍କୁ ସହାୟକ ହେବ ।
ଆମେରିକାର କାଲିଫର୍ନିଆ ଲସ୍ ଆଞ୍ଜେଲସ୍ ବିଶ୍ୱବିଦ୍ୟାଳୟର ଲିଡ୍ ଷ୍ଟଡି ଲେଖକ ଖ୍ରୀଷ୍ଟାଇନ୍ ଡଙ୍କେଲ ସ୍କେଟର କହିଛନ୍ତି ଯେ, ଗର୍ଭଧାରଣ ସମୟରେ ମାଆମାନଙ୍କ ସାଇକୋସିଆଲ ସ୍ଥିତି ଜନ୍ମ ଫଳାଫଳକୁ ପ୍ରଭାବିତ କରିପାରେ । ଆଜିକାଲିର, ମାଆ ଏବଂ ପିଲାମାନଙ୍କ ପାଇଁ ପ୍ରସବ ପରବର୍ତ୍ତୀ ଅବସାଦର ଜଟିଳତାକୁ ରୋକିବା ପାଇଁ ଅନେକ କ୍ଲିନିକାଲ୍ ଟେଷ୍ଟ୍ କରାଯାଉଛି । ଏହି ଅଧ୍ୟୟନ ତଥା ଅନ୍ୟାନ୍ୟ ଅଧ୍ୟୟନରୁ ଜଣାପଡିଛି ଯେ, ଗର୍ଭବତୀ ମହିଳାଙ୍କ ଚିନ୍ତାକୁ ମଧ୍ୟ ମୂଲ୍ୟାଙ୍କନ କରାଯିବା ଉଚିତ୍ ।"