ରାଉରକେଲା: ଟିକ୍ଟକ୍ ନିଶାରେ ଯୁବପିଢି । ଯୁବବର୍ଗକୁ କିମିଆ କରିଛି ଟିକ୍ଟକ୍ । ଏମିତିକି ଟିକ୍ଟକ୍ ଭିଡିଓ ବନେଇବା ଯୁବକ ଓ ଯୁବତୀ ମାନେ ମାନୁନାହାନ୍ତି ବନ୍ଧବାଡ । ଟିକ୍ଟକ୍ ପାଇଁ ଅନେକଙ୍କ ପ୍ରାଣ ମଧ୍ୟ ଯାଇଥିବା ନଜିର୍ ରହିଥିବାବେଳେ ରାଉରକେଲାରେ ଜଣେ ଯୁବକ ଦୁଇ ମହଲା ଖସି ପଡିଥିବା ଘଟଣା ସାମ୍ନାକୁ ଆସିଛି ।
ମହଙ୍ଗା ପଡିଲା ଟିକ୍ଟକ୍ ନିଶା ଯୁବକ ଜଣକ ହେଲେ ରାଉରକେଲାର ଅଲିନ ଗୋଚ୍ଛାୟତ । ସେ ଟିକ୍ଟକ୍ ଭିଡିଓ ବନେଇବା ପାଇଁ ସେକ୍ଟର-6ରେ ଥିବା ଏକ ପରିତ୍ୟକ୍ତ କ୍ବାଟରକୁ ଯାଇଥିଲେ । ସେଠାରେ ଭିଡିଓ କରୁଥିବା ବେଳେ ଅସାବଧାନତା ବଶତଃ ତଳକୁ ଖସି ପଡିଥିଲେ । ଗୁରୁତର ଅବସ୍ଥାରେ ତାଙ୍କୁ ଉଦ୍ଧାର କରାଯାଇ ରାଉରକେଲା ସରକାରୀ ଡାକ୍ତରଖାନା ପରେ ଆଇଜିଏଚରେ ଭର୍ତ୍ତି କରାଯାଇଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
