ବସ-ଟ୍ରକ ମୁହାଁମୁହିଁ ଧକ୍କା, 5 ଆହତ

ବ୍ରାହ୍ମଣୀତରଙ୍ଗ ଥାନା ଅଞ୍ଚଳରେ ବସ-ଟ୍ରକ ମୁହାଁମୁହିଁ ଧକ୍କା । ଦୁର୍ଘଟଣାରେ 5 ଜଣ ଯାତ୍ରୀ ଆହତ । ଟ୍ରକ ଡ୍ରାଇଭର ଗୁରୁତର ।

ରାଉରକେଲା: ବ୍ରାହ୍ମଣୀତରଙ୍ଗ ଥାନା ଅଞ୍ଚଳରେ ବସ-ଟ୍ରକ ମୁହାଁମୁହିଁ ଧକ୍କା ହୋଇଛି । ରାଉରକେଲାରୁ ଗୟା ଯାଉଥିବାବେଳେ ବ୍ରାହ୍ମଣୀତରଙ୍ଗ ଥାନା TCI ଛକରେ ଏହି ଦୁର୍ଘଟଣା ହୋଇଛି ।

ଦୁର୍ଘଟଣାରେ 5 ଜଣ ଯାତ୍ରୀ ଆହତ ହୋଇଥିବାବେଳେ ଟ୍ରକ ଡ୍ରାଇଭର ଗୁରୁତର ଅଛନ୍ତି । ଖବର ପାଇବା ପରେ ପୋଲିସ, ଅଗ୍ନିଶମ ଟିମ ଘଟଣାସ୍ଥଳରେ ପହଞ୍ଚି ଆହତ ଟ୍ରକ ଚାଳକ ତଥା ଯାତ୍ରୀଙ୍କୁ ଉଦ୍ଧାର କରି ହସ୍ପିଟାଲ ପଠାଇଛନ୍ତି ।

ବହୁତ ସମୟ ଧରି ଏହି ରାସ୍ତା ଜାମ ହେବା ଯୋଗୁ ଯାନବାହନ ଚଳାଚଳ ବାଧାପ୍ରାପ୍ତ ହୋଇଛି।

ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ