ସୁନ୍ଦରଗଡ:ପିତା ମାତାଙ୍କ ମୃତ୍ୟୁ ପରେ ବେସାହାରା ହୋଇ ଜୀବନ ବିତାଉଛନ୍ତି ସୁନ୍ଦରଗଡ ଜିଲ୍ଲା ବଡଗାଁ ବ୍ଲକ ବେହେରାମାଲ ଗାଁର ତିନି ଝିଅ । 1999ରେ ବାପାଙ୍କୁ ହରାଇଥିବା ବେଳେ 2010ରେ ମା ମଧ୍ୟ ଆରପାରିକୁ ଚାଲିଗଲେ । ଏହା ପରେ ପରିବାରକୁ ମାଡିଥିଲା ଦୁଃଖର କଳା ବାଦଲ । ପରିବାରର ଏବେ ବୋଝ ମୁଣ୍ଡାଉଛନ୍ତି ଘରର ବଡ ଝିଅ । ନିଜ ଦୁଇ ସାନ ଭଉଣୀଙ୍କ ଲାଳନ ପାଳନ କରୁଛନ୍ତି ।
2 ଭଉଣୀଙ୍କ ପେଟକୁ ଭଲରେ ଟିକେ ଖାଦ୍ୟ ମଧ୍ୟ ଦେଇପାରୁ ନାହାନ୍ତି ବଡ ଭଉଣୀ । ପକ୍କା ଘର ଖଣ୍ଡିଏ ପାଇଁ 10ରୁ 12 ବର୍ଷ ହେବ ଗ୍ରାମପଞ୍ଚାୟତରୁ ଗୋଷ୍ଠି ଉନ୍ନୟନ ଅଧିକାରୀଙ୍କ ନିକଟକୁ ଦଉଡି ଦଉଡି ନୟାନ୍ତ ହୋଇଥିଲେ ମଧ୍ୟ ଆଜି ପର୍ଯ୍ୟନ୍ତ ଘର ଖଣ୍ଡିଏ ମିଳିପାରିଲା ନାହିଁ । ବଡ ଝିଅ ଭାରତୀ ଘରେ ରୋଷେଇ ଦାୟିତ୍ବ ନେଇଥିବା ବେଳେ ମଝିଆ ଝିଅ ଆରତୀ ଦିନ ମଜୁରିଆ ଭାବେ କାମ କରନ୍ତି । ସେଥିରୁ ଯାହା ଉପାର୍ଜନ କରନ୍ତି ସେତିରେ 3 ଭଉଣୀଙ୍କ ପେଟ ପୁରେ । ସାନ ଭଉଣୀ କିଛି କରିବାର ପଣ ରଖି ସିଲେଇ ଶିଖୁଛନ୍ତି ।
ପିତା ମାତାଙ୍କୁ ହରାଇ ବେସାହାରା ତିନି ଭଉଣୀ, ମଳୁନି ଆବାସ ଯୋଜନାରେ ଘର