ସୁନ୍ଦରଗଡ: ଜିଲ୍ଲା ମୁଖ୍ୟାଳୟରେ ବହୁ ପ୍ରତିକ୍ଷିତ ସଂସ୍କୃତି ଭବନ ଓ ଜିଲ୍ଲା ପାଠାଗାରକୁ ଆଜି(ଶୁକ୍ରବାର) ସୁନ୍ଦରଗଡ ଜିଲ୍ଲାପାଳ ଆନୁଷ୍ଠାନିକ ଭାବେ ଉଦଘାଟନ କରି ଜିଲ୍ଲାବାସୀଙ୍କୁ ଲୋକାର୍ପିତ କରିଛନ୍ତି ।
ସୁନ୍ଦରଗଡ ଜିଲ୍ଲାପାଳଙ୍କ ଦ୍ୱାରା ଜିଲ୍ଲା ସଂସ୍କୃତି ଭବନ-ଜିଲ୍ଲା ପାଠାଗାର ଉଦଘାଟିତ
ସୁନ୍ଦରଗଡ ଜିଲ୍ଲାବାସୀଙ୍କ ପାଇଁ ଏହା ଏକ କଲଚରାଲ ହବ୍ ଭଳି କାମ କରିବ ବୋଲି ଜିଲ୍ଲାପାଳ କହିଛନ୍ତି । ଏନେଇ ସମସ୍ତ ଆନୁସଙ୍ଗିକ କାର୍ଯ୍ୟକ୍ରମ ଚାଲୁ ରହିଥିବା କଥା ସେ କହିଛନ୍ତି ।
ସୁନ୍ଦରଗଡ ଜିଲ୍ଲାର ଲୋପ ପାଇ ଯାଉଥିବା ଲୋକ କଳା, ଲୋକ ସଂସ୍କୃତିକୁ ଅଧିକ ଉଜ୍ଜିବୀତ କରି ଗଢି ତୋଳିବା ଉଦ୍ଦେଶ୍ୟରେ ଏହି ଭବନର ସୃଷ୍ଟି ହୋଇଥିବା କଥା ସେ କହିଛନ୍ତି । ସଂସ୍କୃତି ଭବନର ଆଭ୍ୟନ୍ତରୀଣ ସାଜସଜ୍ଜା ସଂପୂର୍ଣ୍ଣ ସ୍ଥାନୀୟ କଳାକାରଙ୍କ କଳାକୃତିକୁ ନେଇ କରାଯାଇଥିବା କଥା ସେ କହିଛନ୍ତି ।