ରାଉରକେଲା: ସୁନ୍ଦରଗଡ଼ ଜିଲ୍ଲା ରାଉରକେଲାରୁ ଚୋରି ହୋଇଥିବା ଶିଶୁ ପୁତ୍ରକୁ ରାଉରକେଲା ପ୍ଲାଣ୍ଟ ପୋଲିସ ପଶ୍ଚିମବଙ୍ଗ ମେଦିନପୁରରୁ ଉଦ୍ଧାର କରିଛି । ଏଥିରେ ସମ୍ପୃକ୍ତ 3 ମହିଳା ସମେତ ଜଣେ ପୁରୁଷକୁ ମଧ୍ୟ ଗିରଫ କରାଯାଇଛି । ଗିରଫ ଅଭିଯୁକ୍ତ ମାନେ ହେଲେ ଏସକେ ଆସରଫ ଅଲ୍ଲୀ, ମନଥାନ ବିବି, ସାନ୍ତିଆଗୋ ନାଟାଲ, ନିର୍ମଳ ଦାସ । ଗିରଫ ମାନଙ୍କ ମଧ୍ୟରୁ ଜଣେ ପଶ୍ଚିମବଙ୍ଗରୁ ଥିବାବେଳେ ଅନ୍ୟ 3 ଅଭିଯୁକ୍ତ ମାନେ ରାଉରକେଲା ଓ କେନ୍ଦ୍ରାପଡାରୁ ଥିବା ଜଣାପଡିଛି ।
ଘଟଣାକ୍ରମ ଅନୁଯାୟୀ ଶିଶୁ ପୁତ୍ରଟି ଗତ 4 ତାରିଖ ଦିନ ଗୋପବନ୍ଧୁପାଲି ଅଞ୍ଚଳରୁ ନିଖୋଜ ହୋଇଥିଲା । ଶିଶୁର ଘର ବ୍ରାହ୍ମଣୀ ତରଙ୍ଗ ଥାନା ବେଦବ୍ୟାସ ଅଞ୍ଚଳରେ ବୋଲି ଜଣାପଡିଛି । ଶିଶୁ ନିଖୋଜ ହେବା ପରେ ଘର ଲୋକ ବହୁ ଖୋଜାଖୋଜି କରି ମଧ୍ୟ ପାଇ ନଥିଲେ ।