ରାଉରକେଲା: ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ଦୁଇ ଜଣ ଯୁବତୀଙ୍କ ମୃତ୍ୟୁ ହୋଇଛି। ଘଟଣା ଘଟିଛି ରାଉରକେଲାର ବ୍ରାହ୍ମଣୀତରଙ୍ଗ ଥାନା ଅଞ୍ଚଳରେ। ଖବର ଅନୁଯାୟୀ ମୃତକ ଦ୍ୱୟଙ୍କର କୌଣସି ପରିଚୟ ମିଳିପାରିନାହିଁ।
ବର୍ତ୍ତମାନ ସଡ଼କ ସୁରକ୍ଷା ଅଭିଯାନ ଚାଲିଛି । ସଡକ ସୁରକ୍ଷାକୁ ନେଇ ବିଭିନ୍ନ ସ୍ଥାନରେ ବିଭିନ୍ନ ପ୍ରକାର ସଚେତନତାଧର୍ମୀ କାର୍ଯ୍ୟକ୍ରମ କରାଯାଉଛି। ଏହି ସମୟରେ ବିଭିନ୍ନ ସ୍ଥାନରେ ଦୁର୍ଘଟଣା ଘଟୁଥିବାର ନଜର ଆସିଛି। ସୋମବାର ସକାଳେ ରାଉରକେଲାର ବ୍ରାହ୍ମଣୀତରଙ୍ଗ ଅଞ୍ଚଳରେ ଦୁର୍ଘଟଣା ଘଟି ଦୁଇ ଯୁବତୀଙ୍କ ମୃତ୍ୟୁ ଘଟିଛି।