ପୋଲ ଉପରେ ଲାଗିଲା ନିଆଁ, ହୁତୁହୁତୁ ହୋଇ ଜଳିଲା ଦୁଇ ଚକିଆ ଯାନ

କୋଏଲ ନଦୀପୋଲ ଉପରେ ଏକ ଦୁଇ ଚକିଆ ଯାନରେ ନିଆଁ ଲାଗି ଜଳିଯାଇଛି । ତେବେ ନିଆଁ ଲାଗିବାର କାରଣ ସ୍ପଷ୍ଟ ହୋଇନାହିଁ ।

ରାଉରକେଲା: କୋଏଲ ନଦୀ ପୋଲ ଉପରେ ଏକ ଦୁଇ ଚକିଆ ଯାନରେ ଲାଗିଲା ନିଆଁ । ନିଆଁ ଦେଖି ଘଟଣାସ୍ଥଳରେ ଜମିଥିଲା ଲୋକଙ୍କ ଭିଡ଼ । ଖବର ପାଇ ଅଗ୍ନିଶମ ବିଭାଗର କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ ।

ସୂଚନା ଅନୁସାରେ, ଝିରପାଣି ଅନ୍ତର୍ଗତ ଖାଦିଅଟୋଲର ଅନିଲ ଏକ୍କା ନାମକ ଜଣେ ବ୍ୟକ୍ତି ତାଙ୍କର ଏହି ଗାଡି ଷ୍ଟାର୍ଟ କରିବା ପାଇଁ ଚେଷ୍ଟା କରୁଥିଲେ । ହେଲେ ଅନେକ ସମୟ ପର୍ଯ୍ୟନ୍ତ ଗାଡି ଷ୍ଟାର୍ଟ ହୋଇନଥିଲା । ଫଳରେ ଗାଡିରେ ହଠାତ୍ ନିଆଁ ଲାଗିଯାଇଥିଲା । ତେବେ ଘଟଣାର ତଦନ୍ତ ପରେ ପ୍ରକୃତ କାରଣ ଜଣାପଡିବ ।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ