ଅନ୍ଧାରରେ ରାଉରକେଲା ରେଳଷ୍ଟେସନ, ଯାତ୍ରୀ ହନ୍ତସନ୍ତ

ସ୍ମାର୍ଟ ସିଟି ରାଉରକେଲାର ରେଳ ଷ୍ଟେସନ ଆଜି ଦୀର୍ଘ ସମୟ ଧରି ଅନ୍ଧାରରେ ରହିଛି ।

ରାଉରକେଲା: ସ୍ମାର୍ଟ ସିଟି ରାଉରକେଲାର ରେଳଷ୍ଟେସନ ଆଜି ଘଣ୍ଟା ଘଣ୍ଟା ଧରି ଅନ୍ଧାରରେ ରହିଛି । 1 ନମ୍ବରରୁ 5 ନମ୍ବର ପ୍ଲାଟଫର୍ମରେ ଆଲୋକ ନ ଥିଲା । ତେଣୁ ଯାତ୍ରୀମାନେ ବ୍ୟାପକ ଅସୁବିଧାର ସମ୍ମୁଖୀନ ହୋଇଥିଲେ । ଡିଜିର ବ୍ୟବସ୍ଥା ରହିଥିବାବେଳେ ତାହାକୁ କାର୍ଯ୍ୟରେ ଲଗାଯାଇ ନ ଥିଲା ।

ଷ୍ଟେସନରେ ଅନ୍ଧାର ଯୋଗୁଁ ଯାତ୍ରୀ ନିଜର କୋଚ ନମ୍ବର ଜାଣି ନ ପାରି ହଇରାଣ ହେଉଥିବାର ଦେଖିବାକୁ ମିଳିଥିଲା । ସବୁ ବ୍ୟବସ୍ଥା ରହିଥିଲେ ମଧ୍ୟ କଣ ପାଇଁ ଷ୍ଟେସନ ଅନ୍ଧାର ରହିଲା ତାହା କେହି ଅଧିକାରୀ ସ୍ପଷ୍ଟ କରି ନ ଥିଲେ ।

ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ