ସୁନ୍ଦରଗଡ: କୋରୋନା କୋପରେ ସାରା ରାଜ୍ୟ । ମହାମାରୀରେ ବ୍ରେକ ଲଗାଇବାକୁ ରାଜ୍ୟରେ ଲକଡାଉନ ଲାଗୁ କରିଛନ୍ତି ସରକାର । ଫଳରେ ଗରିବ ଓ ନିରାଶ୍ରୟଙ୍କ ଦୁଃଖ ଦୁଇଗୁଣା ବଢିଚାଲିଛି । ଲକଡାଉନ ସମୟରେ ରାଉରକେଲାର ଅସହାୟ ଓ ନିରାଶ୍ରୟଙ୍କୁ ସାହା ହୋଇଛି ଆରଏମସି । ରାଉରକେଲା ମହାନଗର ନିଗମ ପ୍ରତିଦିନ ରନ୍ଧାଖାଦ୍ୟ ପ୍ରସ୍ତୁତ କରି ଗରିବ ଅସହାୟଙ୍କୁ ଯୋଗାଉଛି । ଏଥିପାଇଁ ନିୟୋଜିତ ଥିବା ସ୍ବେଚ୍ଛାସେବୀମାନେ ବିଭିନ୍ନ ବସ୍ତି ଅଞ୍ଚଳକୁ ଯାଇ ଲୋକଙ୍କୁ ଖାଦ୍ୟ ବାଣ୍ଟୁଛନ୍ତି ।
ଲକଡାଉନ ସମୟରେ ଗରିବ ଓ ନିରାଶ୍ରୟ ଲୋକଙ୍କୁ ପ୍ରଶାସନ ଯୋଗାଉଛି ରନ୍ଧା ଖାଦ୍ୟ
ଦିନକୁ ଦୁଇବେଳା ସହରର ଅସହାୟଙ୍କୁ ଖାଦ୍ୟ ଯୋଗାଇ ଦିଆଯାଉଛି। ଖାଲି ଖାଦ୍ୟ ନୁହେଁ ରାଉରକେଲା ଷ୍ଟେସନ, ବସ୍ ଷ୍ଟାଣ୍ଡ ଆଦି ସ୍ଥାନରୁ ନିରାଶ୍ରୟ ଲୋକଙ୍କୁ ଆଣି ଆଶ୍ରୟସ୍ଥଳରେ ରଖିବା ପାଇଁ ଆରଏମସି ପକ୍ଷରୁ ‘ଆଶ୍ରୟ ରଥ’ ବ୍ୟବସ୍ଥା କରାଯାଇଛି । ଲକଡାଉନ୍ ସମୟରେ ଏହି ରଥ ସହରର ବିଭିନ୍ନ ସ୍ଥାନରେ ଥିବା ନିରାଶ୍ରୟ ଲୋକଙ୍କୁ ରନ୍ଧା ଖାଦ୍ୟ ଯୋଗାଇ ଦେଉଛି । ଖାଦ୍ୟକୁ ପ୍ୟାକେଟ୍ କରି ଲୋକଙ୍କୁ ଦିଆଯାଉଛି ।