ସୁବର୍ଣ୍ଣପୁର: ସହରରେ ବେଆଇନ ଦେଶୀ ମଦ କାରବାର ବୃଦ୍ଧି ପାଉଥିବା ନେଇ ଜିଲ୍ଲାପ୍ରଶାସନ ନିକଟରେ ଅଭିଯୋଗ କରିଛନ୍ତି ଖଦାଲପଡାର ମହିଳାମାନେ । ସହରର ମଦ ଭାଟିରୁ ଖୁଚୁରା ବେପାରୀମାନେ ମଦ ଆଣି ବେଆଇନ ଭାବେ ଖଦାଲପଡାରେ ବିକ୍ରି କରୁଥିବା ଅଭିଯୋଗ କରୁଛନ୍ତି । ମହିଳାମାନେ ଅନେକ ସମୟରେ ଏନେଇ ପୋଲିସ ପାଖରେ ଅଭିଯୋଗ କରିଥିଲେ ମଧ୍ୟ ପୋଲିସ ପକ୍ଷରୁ କୌଣସି କାର୍ଯ୍ୟାନୁଷ୍ଠାନ ନିଆଯାଇନଥିଲା ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ଏହିକ୍ରମରେ ଶୁକ୍ରବାର ମହିଳାମାନେ ବେଆଇନ ମଦ ଜବତ କରି ପୋଲିସର ଜିମା ଦେଇଥିଲେ । ହେଲେ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଇ ନଥିବା ଅଭିଯୋଗ କରିଛନ୍ତି । ସେପଟେ ପୋଲିସର ନୀରବତା ଯୋଗୁଁ ମହିଳାମାନେ ଏକତ୍ରିତ ହୋଇ ଆଜି ଦେଶୀ ମଦ ଭାଟି ଉପରେ ଚଢ଼ାଉ କରି ଖୁଚୁରା ମଦ ବିକ୍ରି ନେଇ ଭାଟି ମାଲିକ ସହିତ ପାଟି ତୁଣ୍ଡ କରିଥିଲେ । ଘଟଣାର ଖବର ପାଇ ପୋଲିସ ପହଞ୍ଚି ଆନ୍ଦୋଳନକାରୀ ମହିଳାଙ୍କୁ ବୁଝାସୁଝା କରିଥିଲେ ।