ସୁବର୍ଣ୍ଣପୁର: ତହସିଲରେ ସବରେଜିଷ୍ଟ୍ରାର କାର୍ଯ୍ୟାଳୟ ସ୍ଥାପନ ଦାବିରେ ସୋମବାର ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ସହରରେ 12 ଘଣ୍ଟିଆ ବନ୍ଦ ପାଳିତ ହେବ । ସହରର ସଚେତନ ନାଗରିକ ମଞ୍ଚ ପକ୍ଷରୁ ଏହି ବନ୍ଦ ଡାକରା ଦିଆଯାଇଥିବା ବେଳେ ଏହାକୁ ସହରର ବଣିକ ସଙ୍ଘ, ଟାକ୍ସି ଚାଳକ ସଙ୍ଘ ତଥା ବିଭିନ୍ନ ସ୍ବେଚ୍ଛାସେବୀ ଅନୁଷ୍ଠାନ ସମର୍ଥନ କରୁଥିବା ସୂଚନା ମିଳିଛି ।
ସବରେଜିଷ୍ଟ୍ରାର କାର୍ଯ୍ୟାଳୟ ସ୍ଥାପନ ଦାବିରେ ସୋମବାର ଉଲୁଣ୍ଡା ସହର 12 ଘଣ୍ଟା ବନ୍ଦ ଡାକରା
ତହସିଲରେ ସବ ରେଜିଷ୍ଟ୍ରାର କାର୍ଯ୍ୟାଳୟ ସ୍ଥାପନ ଦାବି ନେଇ ଗତ 17 ନଭେମ୍ବରରୁ ଗଣ ଧାରଣାରେ ବସିଛନ୍ତି ସଚେତନ ନାଗରିକ ମଞ୍ଚର କାର୍ଯ୍ୟକର୍ତ୍ତା । ଦାବି ପୂରଣ ନ ହେବା ଯାଏଁ ଆନ୍ଦୋଳନ ତୀବ୍ରତର କରାଯିବ ବୋଲି ମଞ୍ଚ ପକ୍ଷରୁ ସୂଚନା ଦିଆଯାଇଛି । ଗତବର୍ଷ ବି ମଞ୍ଚ ପକ୍ଷରୁ ଏହି ଦାବି ନେଇ ଦୀର୍ଘ ଦିନ ଧାରଣା ଦିଆ ଯାଇଥିଲା। ପରେ ବୀରମହରାଜପୁର ଉପଜିଲ୍ଲାପାଳ ଲିଖିତ ପ୍ରତିଶ୍ରୁତି ଦେବା ପରେ ଧାରଣା ପ୍ରତ୍ୟାହୃତ ହୋଇଥିଲା।