ସିଲାଟି ଗାଁରେ ଟ୍ରିପଲ ମର୍ଡର, ହତ୍ୟାର କାରଣ ଅସ୍ପଷ୍ଟ

ବିନିକା ଥାନା ଅନ୍ତର୍ଗତ ସିଲାଟି ଗାଁରେ ଟ୍ରିପଲ ମର୍ଡର ଘଟଣା । କେଉଁ କାରଣରୁ ହତ୍ୟା କରାଯାଇଛି ଓ ଏହି ହତ୍ୟା ଘଟଣାରେ କିଏ କିଏ ସମ୍ପୃକ୍ତ ଅଛନ୍ତି ତାହା ଜଣାପଡିନାହିଁ ।

ସୁବର୍ଣ୍ଣପୁର: ଜିଲ୍ଲା ବିନିକା ଥାନା ଅନ୍ତର୍ଗତ ସିଲାଟି ଗାଁରେ ଟ୍ରିପଲ ମର୍ଡର ହୋଇଛି । ଗାଁର 65 ବର୍ଷୀୟ ବୁଲୁ ଭୋଇ ତାଙ୍କ ସ୍ତ୍ରୀ 55 ବର୍ଷୀୟ ବୈଦେହି ଭୋଇ ଓ ପୁଅ 25 ବର୍ଷୀୟ ଶିବ ଭୋଇଙ୍କୁ ଧାରୁଆ ଅସ୍ତ୍ରରେ ହତ୍ୟା କରାଯାଇଛି । ତେବେ କେଉଁ କାରଣରୁ ହତ୍ୟା କରାଯାଇଛି ଓ ଏହି ହତ୍ୟା ଘଟଣାରେ କିଏ କିଏ ସମ୍ପୃକ୍ତ ଅଛନ୍ତି ତାହା ଜଣାପଡିନାହିଁ ।

ପୁଅର ମୃତଦେହ ଘର ବାହାରେ ପଡ଼ିଥିବା ବେଳେ ସ୍ବାମୀ ଓ ସ୍ତ୍ରୀଙ୍କ ମୃତଦେହ ଘର ଭିତରେ ପଡ଼ିରହିଛି । ଖବରପାଇ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଜାରି ରଖିଛି । ପରିବାରର 2ଟି ଝିଅ ବାହା ହୋଇ ସାରିଥିବା ବେଳେ ସାନ ପୁଅ ଶଙ୍କର ଭୋଇ ତାମିଲନାଡୁରେ ଦାଦନ ଖଟୁଛନ୍ତି।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ