ସୁବର୍ଣ୍ଣପୁର: ଜିଳ୍ଲା ବୀରମହାରାଜପୁର ଠାରେ ଥିବା ସ୍ୱଧାର ଗୃହରୁ ୩ ଜଣ ଅନ୍ତେବାସୀ ଫେରାର ମାରିଛନ୍ତି । ସୂଚନା ଅନୁସାରେ ସ୍ବଧାର ଗୃହରେ ଥିବା ଅନ୍ତେବାସୀଙ୍କ ଭିତରୁ ଗତ ୨ ବର୍ଷରୁ ଅଧିକ ହେଲା ସ୍ୱଧାରରେ ରହୁଥିବା ଝାରସୁଗୁଡା ଅଞ୍ଚଳର ଗୋଟିଏ ମା ଓ ଝିଅ ସହିତ ଗତ ଏପ୍ରିଲ ମାସ ୨୬ ତାରିଖରେ ସ୍ବଧାରକୁ ଆସିଥିବା ବିନକା ଥାନା ଅଞ୍ଚଳର ଜଣେ ଗର୍ଭବତୀ ମହିଳା ଫେରାର ମାରିଛନ୍ତି ।
ସୁଧାର ଗୃହରୁ ତିନି ଜଣ ଅନ୍ତେବାସୀ ଫେରାର
ପ୍ରଚଣ୍ଡ ଖରାର ସୁଯୋଗ ନେଇ ଦିନ ପ୍ରାୟ ୩ ଟା ପରେ ସ୍ୱଧାର ଗୃହରେ କୋଠରି ମଧ୍ୟରେ ଥିବା ଅନ୍ତେବାସୀମାନେ ଶୋଇଥିବା ବେଳେ ଅନ୍ୟ ଅନ୍ତେବାସୀମାନଙ୍କ ପାଖରେ ଥିବା ଗଛିତ ଟଙ୍କା ଚୋରି କରି ଫେରାର ମାରିଥିବା ଅଭିଯୋଗ ହୋଇଛି। ଏନେଇ ସୁପରିଟେଣ୍ଡେଣ୍ଟ ଭାଗ୍ୟଲଷ୍ମୀ ସାହୁ ଫୋନ ଯୋଗେ ବୀରମହାରାଜପୁର ଥାନାକୁ ଖବର କରିଥିବା ଜଣାଇଛନ୍ତି ।