ସୁବର୍ଣ୍ଣପୁର:ଜିଲ୍ଲାରେ ସିରିଜ ସଡକ ଦୁର୍ଘଟଣା ଦେଖିବାକୁ ମିଳିଛି । ପାଞ୍ଚ ଘଣ୍ଟା ଭିତରେ ତିନୋଟି ପୃଥକ ପୃଥକ ସଡକ ଦୁର୍ଘଟଣାରେ ଜଣଙ୍କର ମୃତ୍ୟୁ ହୋଇଥିବା ବେଳେ ପାଞ୍ଚ ଜଣ ଗୁରୁତର ଆହତ ହୋଇଛନ୍ତି । ବୀରମହାରାଜପୁର-ସୁବଳୟା ରାସ୍ତାର ସୁବଳୟା ପାଖରେ ଜଣେ ବାଇକ ଆରୋହୀଙ୍କ ମୃତ୍ୟୁ ହୋଇଛି । ମୃତକ ଜଣକ ସୁବଳୟା ଗାଁର ଆନନ୍ଦ ବେହେରା ବୋଲି ଜଣାପଡିଛି ।
ପୃଥକ ସଡ଼କ ଦୁର୍ଘଟଣାରେ ଜଣେ ମୃତ, ପାଞ୍ଚ ଗୁରୁତର
ସୂଚନା ଅନୁସାରେ ଆନନ୍ଦ ବେହେରା ଆଜି (ଗୁରୁବାର) ସନ୍ଧ୍ୟାରେ ବୀରମହାରାଜପୁରରୁ ସୁବଳୟା ଯାଉଥିବା ବେଳେ ଭାରସାମ୍ୟ ହରାଇ ତଳେ ପଡିଯାଇଥିଲେ । ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଗୁରୁତର ଅବସ୍ଥାରେ ପରିବାର ଲୋକେ ଆଣିଥିଲେ । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ସେପଟେ ସୁବର୍ଣ୍ଣପୁର ମହାନଦୀ ପୋଲ ପାଖରେ ସାଇକେଲ ଓ ବାଇକ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଏଥିରେ ତିନି ଜଣ ଆହତ ହୋଇଥିଲେ । ଆହତମାନେ ହେଲେ ରାମ ଗୋପାଳ ବିଶି, ଚନ୍ଦ୍ର ମଣି ମେହେର ଓ ଶେଷ ଦେବ ମେହେର ।