ସୁବର୍ଣ୍ଣପୁର :ସୁବର୍ଣ୍ଣପୁର ଜିଲ୍ଲା କେନ୍ଦୁପତ୍ର ବିଭାଗ ଉଲୁଣ୍ଡା ରେଞ୍ଜର କେନ୍ଦୁପତ୍ର ଶ୍ରମଜୀବୀମାନେ ବୁଧବାର ରାସ୍ତାରୋକ କରିଛନ୍ତି । ସମ୍ବଲପୁର କେନ୍ଦୁପତ୍ର ଡିଭିଜନ ଉଲୁଣ୍ଡା ରେଞ୍ଜ କମିଟି ପକ୍ଷରୁ ଏହି ଆନ୍ଦୋଳନ କରାଯାଉଛି । ଶ୍ରମଜୀବୀଙ୍କ ଦାବି ପୂରଣ ହେଉ ନ ଥିବାରୁ ସୁବର୍ଣ୍ଣପୁର ସମ୍ବଲପୁର ରାଜ୍ୟ ରାଜପଥର ଗଣ୍ଡା ବାହାଲ ଛକରେ ରାସ୍ତା ଅବରୋଧ କରାଯାଇଛି ।
ସିଜନାଲ ୱାଚରମାନଙ୍କୁ ସର୍ବନିମ୍ନ ବର୍ଦ୍ଦିତ ମଜୁରୀ ପ୍ରଦାନ ,ତୋଳେଇ, ବନ୍ଧେଇ ଶ୍ରମିକ ଓ ସିଜନାଲ କର୍ମଚାରୀମାନଙ୍କୁ ପୂର୍ବପରି ସାମାଜିକ ସୁରକ୍ଷା ଲାଗୁ କରିବା, କେନ୍ଦୁପତ୍ର ବିକ୍ରୀ ନୀତିରେ ସଂଶୋଧନ , ତୋଳାଳୀ ଶ୍ରମଜୀବୀଙ୍କ ପାଖରୁ ଦୁଇ ହଜାର କେନ୍ଦୁପତ୍ର କେରି ବଦଳରେ ହଜାରେ କେନ୍ଦୁପତ୍ର କେରି ଗ୍ରହଣ, କେନ୍ଦୁପତ୍ର ଉପରୁ ଜିଏସଟି ପ୍ରତ୍ୟାହାର ଆଦି ଦାବିରେ ଏହି ଆନ୍ଦୋଳନ କରାଯାଉଛି । ଶ୍ରମଜୀବୀଙ୍କ ଦାବି ପୂରଣ ନ ହେବା ଯାଏଁ ଆନ୍ଦୋଳନ ଜାରି ରହିବ ବୋଲି ଆନ୍ଦୋଳନରତ ଶ୍ରମଜୀବୀମାନେ କହିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ