ଟ୍ରାକ୍ଟର-ବାଇକ ମୁହାଁମୁହିଁ ଧକ୍କା, 2 ମୃତ

ଟ୍ରାକ୍ଟର ସହ ପିଟି ହେଲା ବାଇକ । ଘଟଣାସ୍ଥଳରେ 2 ବାଇକ ଆରୋହୀଙ୍କ ମୃତ୍ୟୁ ।

ସୁବର୍ଣ୍ଣପୁର: ବିନିକା ଥାନା ଅନ୍ତର୍ଗତ ଜାମପାଲି ଗାଁ ଛକ ନିକଟରେ ସଡକ ଦୁର୍ଘଟଣା । ଏକ ମୋଟରସାଇକେଲ ଟ୍ରାକ୍ଟର ସହ ମୁହାଁମୁହିଁ ଧକ୍କା ହେବା ଫଳରେ ଘଟଣାସ୍ଥଳରେ ହିଁ 2 ଯୁବକଙ୍କର ମୃତ୍ୟୁ ହୋଇଛି । ମୃତକ 2 ଜଣ ହେଲେ ଗରିଆପାଲି ଗାଁର ଅନିଲ କଠାର ଓ କର୍ତ୍ତଙ୍ଗ ଗାଁର ଲକ୍ଷ୍ମଣ ସାହୁ ।

ତେବେ ମୃତକ ଦ୍ବୟ ଡୁଙ୍ଗୁରିପାଲି ବଜାରକୁ ଯାଉଥିବା ସମୟରେ ସାମ୍ନାପଟରୁ ଆସୁଥିବା ଏକ ଟ୍ରାକ୍ଟର ସହିତ ତାଙ୍କ ବାଇକ ଧକ୍କା ହୋଇଥିଲା । ଫଳରେ ଅନିଲ ଓ ଲକ୍ଷ୍ଣଣ ସାହୁଙ୍କର ଘଟଣାସ୍ଥଳରେ ହିଁ ମୃତ୍ୟୁ ହୋଇଥିଲା । ଖବରପାଇ ପୋଲିସ ପହଞ୍ଚି ଦୁର୍ଘଟଣାଗ୍ରସ୍ଥ ଟ୍ରାକ୍ଟରକୁ ଜବତ କରିବା ସହ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଆରମ୍ଭ କରିଛି ।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ