ସୁବର୍ଣ୍ଣପୁର: ମଙ୍ଗଳବାର ଓଡିଶା ରାଜ୍ୟ ଶିକ୍ଷା ଅଧିକାର ଆଇନର ପ୍ରଥମ କ୍ୟାମ୍ପ ଜନଶୁଣାଣି କାର୍ଯ୍ୟକ୍ରମ ସୁବର୍ଣ୍ଣପୁର ଜିଲ୍ଲାରେ ଆୟୋଜିତ ହେବ । ରାଜ୍ୟ ଶିଶୁ ଅଧିକାର ସୁରକ୍ଷା କମିଶନ ସନ୍ଧ୍ୟାବତୀ ପ୍ରଧାନ ଏହି ଜନଶୁଣାଣୀ କାର୍ଯ୍ୟକ୍ରମରେ ଯୋଗଦେବେ ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ମଙ୍ଗଳବାର ଦିନ 10 ଟା 30 ମିନିଟ ସମୟରେ ସୁବର୍ଣ୍ଣପୁର ଜିଲ୍ଲାପାଳ ମନୀଷା ବାନାର୍ଜୀଙ୍କ କାର୍ଯ୍ୟାଳୟରେ ଏହି ଜନଶୁଣାଣି କରାଯିବ । ତେବେ ଏହି କାର୍ଯ୍ୟକ୍ରମରେ ଶିକ୍ଷା ଅଧିକାରରୁ ବଞ୍ଚିତ ଥିବା ଶିଶୁମାନଙ୍କ ସୁରକ୍ଷା ସଂପର୍କରେ ମିଳିଥିବା 20ଟି ମାମଲାର ବିଚାର କରାଯିବ ।
ତେବେ ଶିଶୁମାନଙ୍କ ଶିକ୍ଷା ଅଧିକାରର ସୁରକ୍ଷା ପାଇଁ ରାଜ୍ୟରେ ପ୍ରଥମ କରି ଏହି ଜନଶୁଣାଣି କରାଯିବ । ଏଥିରେ ଶିଶୁ ହିତାଧିକାରୀଙ୍କ ସମେତ, ଶିକ୍ଷକ, ଅଭିଭାବକ, ଶିକ୍ଷା ଅଧିକାରୀମାନେ ସାମିଲ ହେବେ ।