ସୁବର୍ଣ୍ଣପୁର: ଜିଲ୍ଲା ବୀରମିତ୍ରପୁର ତହସିଲ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ସୁବର୍ଣ୍ଣପୁର ବିଶାଳପାଲି ଗାଁର ପଟ୍ଟାଧାରୀମାନେ ଏହି ବିକ୍ଷୋଭ ପ୍ରଦର୍ଶନ କରିଛନ୍ତି ।
ବୀରମିତ୍ରପୁର ତହସିଲ ସମ୍ମୁଖରେ ବିକ୍ଷୋଭ ପ୍ରଦର୍ଶନ
ସୂଚନା ଅନୁଯାୟୀ, ତହସିଲ ତରଫରୁ ଭୂମିହୀନଙ୍କୁ ଦୀର୍ଘ 8 ବର୍ଷ ହେବ ଜମିପଟ୍ଟା ପ୍ରଦାନ କରାଯାଇଛି । ହେଲେ ଆଜି ପର୍ଯ୍ୟନ୍ତ ଜମି ଚିହ୍ନଟ କରାଯାଇ ନାହିଁ । ଗରିବ ଭୂମିହୀନଙ୍କ ପାଇଁ ସରକାରଙ୍କ ବସୁନ୍ଧରା ଯୋଜନାରେ ଗତ ୨୦୧୨ ମସିହାରେ ଘରଡିହ ପଟ୍ଟା ପ୍ରଦାନ କରାଯାଇଥିଲା । କିନ୍ତୁ ଜମି ପଟ୍ଟା ବଣ୍ଟନ ପରେ ଯାଗା ଚିହ୍ନଟକୁ ସମ୍ପୁର୍ଣ୍ଣ ଭୂଲି ଯାଇଛି ପ୍ରଶାସନ । ଏଥିପାଇଁ ପଟ୍ଟାଧାରୀମାନେ ବାରମ୍ବାର ରାଜସ୍ବ ନିରୀକ୍ଷକଙ୍କ ଦ୍ବାରସ୍ତ ହୋଇଥିଲେ ମଧ୍ୟ କୌଣସି ସୁଫଳ ମିଳିପାରିନାହିଁ ।