ସୁବର୍ଣ୍ଣପୁର: ଚଡେଇପଙ୍କ ପଞ୍ଚାୟତ ଅନ୍ତର୍ଗତ ଅଏଁଲାଛାଟ ଛକରେ ରାସ୍ତା ଅବରୋଧ କରାଯାଇଛି । ଧର୍ମଶାଳା ସମ୍ବଲପୁର ରାଜ୍ୟ ରାଜପଥକୁ 4 ଟି ପଞ୍ଚାୟତର 12ଖଣ୍ଡ ଗାଁର ଲୋକେ ଅବରୋଧ କରିଛନ୍ତି । ଦୀର୍ଘ ଦିନରୁ ଅଏଁଲାଛାଟ ଛକ ନିକଟରେ ଥିବା କୁକୁଡା ଫାର୍ମ ସ୍ଥାନାନ୍ତରଣ କରିବା ପାଇଁ ଜନସାଧାରଣ ପ୍ରଶାସନ ପାଖରେ ଗୁହାରୀ କରି ଆସୁଛନ୍ତି । କୁକୁଡା ଫାର୍ମ ଯୋଗୁଁ ସେଠାରେ ଏକ ଅସ୍ବାସ୍ଥ୍ୟକର ପରିବେଶ ସୃଷ୍ଟି ହୋଇଥିବା ବେଳେ ଜନସାଧାରଣ ପ୍ରଦୂଷଣ ଭିତରେ ଜୀବନ ଯାପନ କରି ଆସୁଥିବା ଅଭିଯୋଗ ହୋଇଛି ।
ଭିଡିଓ ସୌଜନ୍ୟ : ପ୍ରତିନିଧି,ସୁବର୍ଣ୍ଣପୁର
କୁକୁଡା ଫାର୍ମକୁ ସ୍ଥାନାନ୍ତର ଅବା କୁକୁଡା ଫାର୍ମରୁ ନିର୍ଗତ କଠିନ ଓ ତରଳ ବର୍ଜ୍ୟବସ୍ତୁର ସଠିକ ପରିଚାଳନା ପାଇଁ ଲୋକେ ଦାବି କରିଛନ୍ତି । ହେଲେ ପ୍ରଶାସନ ଜନସାଧାରଣଙ୍କ ଦାବି ଆପତ୍ତି ଶୁଣୁ ନଥିବାରୁ ଆଜି ଜନସାଧାରଣ ରାଜରାସ୍ତାକୁ ଓହ୍ଲାଇଛନ୍ତି । ଅଏଁଲାଛାଟ ଛକରେ ଦୋକାନ ବଜାର ବନ୍ଦ କରିବା ସହିତ ରାସ୍ତା ଅବରୋଧ କରିଛନ୍ତି ।