ସୁବର୍ଣ୍ଣପୁର: ଜିଲ୍ଲା ସଦର ବ୍ଳକ ଅନ୍ତର୍ଗତ ମଲ୍ଲିକ ମୁଣ୍ଡା ଗ୍ରାମପଞ୍ଚାୟତରେ ପ୍ରଧାନମନ୍ତ୍ରୀ ଆବାସ ଯୋଜନା ହିତାଧିକାରୀ ଚୟନରେ ଅନିୟମିତତା ହେଉଥିବା ଅଭିଯୋଗ ହେଉଛି । ମଲ୍ଲିକମୁଣ୍ଡା ପଞ୍ଚାୟତର କେନ୍ଦୁମୁଣ୍ଡା ଗାଁର ଅଧିକାଂଶ ଲୋକେ ଝାଟିମାଟି ଘରେ ରହୁଥିବା ବେଳେ ପରିଣତ ବୟସରେ ପହଞ୍ଚିଥିବା ବୟସ୍କଙ୍କ ଭାଗ୍ୟକୁ ବି ଘର ଖଣ୍ଡିଏ ଜୁଟୁନାହିଁ ।
ପ୍ରଧାନମନ୍ତ୍ରୀ ଆବାସ ଯୋଜନାରେ ପାତରଅନ୍ତର: ମଲ୍ଲିକମୁଣ୍ଡା ପଞ୍ଚାୟତରେ ହିତାଧିକାରୀଙ୍କୁ ମିଳୁନି ଘର
କେନ୍ଦୁମୁଣ୍ଡାରୁ ଏପରି ଏକ ଦୃଶ୍ୟ ସାମନାକୁ ଆସିଛି । ଜଣେ ବୃଦ୍ଧା ମଧ୍ୟାହ୍ନରେ ଖୋଲା ଆକାଶ ତଳେ ଟାଇଁ ଟାଇଁ ଖରାରେ ରୋଷେଇ କରୁଥିଲେ । ପ୍ରଧାନମନ୍ତ୍ରୀ ଆବାସ ଘର ଖଣ୍ଡିଏ ପାଇଁ ସରପଞ୍ଚଙ୍କ ପାଖରୁ ଆରମ୍ଭ କରି ବିଡିଓଙ୍କ ଯାଏଁ ଅନେକ ଥର ଦରଖାସ୍ତ ଦେଲେଣି । ଗୁହାରୀ କଲେଣି ହେଲେ ନା ମିଳୁଛି ବିଜୁ ପକ୍କାଘର , ନା ପ୍ରଧାନମନ୍ତ୍ରୀ ଆବାସ । ଏପରିକି ଉଜ୍ଜଳା ଯୋଜନାରେ ଜାଳେଣୀ ଗ୍ୟାସ ସଂଯୋଗ ବି ପାଇ ନାହାନ୍ତି ।