ସୁବର୍ଣ୍ଣପୁର: ବିଜୁ ପଟ୍ଟନାୟକ ସେତୁ ଉପରେ ମୃତଦେହ ରଖି ମୃତ ଅବକାରୀ କନେଷ୍ଟବଳଙ୍କ ପରିବାରବର୍ଗ ଓ ଗ୍ରାମବାସୀଙ୍କ ରାସ୍ତାରୋକ । ସୋମବାର ରାତିରେ ଅବକାରୀ କନଷ୍ଟେବଳ ନନ୍ଦୀ କର୍ମୀ ବିଜୁ ପଟ୍ଟନାୟକ ସେତୁ ରାସ୍ତାରେ ସଡକ ଦୁର୍ଘଟଣାରେ ମୃତ୍ୟୁବରଣ କରିଥିଲେ ।
ମୃତକର ପରିବାରବର୍ଗଙ୍କୁ କ୍ଷତିପୂରଣ ଦାବିରେ ରାସ୍ତାରୋକ
ଏକ ଅଜଣା ଗାଡି ନନ୍ଦୀକୁ ଧକ୍କା ଦେଇ ଫେରାର ହୋଇଯାଇଥିଲା। ସେତୁ ଉପରେ ଜିଲ୍ଲା ପୂର୍ତ୍ତ ବିଭାଗ ଠିକାଦାର ନିର୍ମାଣ ସାମଗ୍ରୀ ରଖିଥିବାବେଳେ ଏନେଇ ଯାତ୍ରୀଙ୍କୁ କୌଣସି ସୂଚନା ଦିଆଯାଇନଥିଲା । ଫଳରେ ନିର୍ମାଣ ସାମଗ୍ରୀ ପାଇଁ ନନ୍ଦୀଙ୍କ ମୃତ୍ୟୁ ହୋଇଛି ବୋଲି ଅଭିଯୋଗ ହୋଇଛି। ଏହାସହ ପରିବାର ପକ୍ଷରୁ ସଦର ଥାନାରେ ପୂର୍ତ୍ତ ବିଭାଗ କର୍ତ୍ତୃପକ୍ଷ ଓ ଠିକାଦାରଙ୍କ ନାଁରେ ଏତଲା ମଧ୍ୟ ଦିଆଯାଇଛି।