ହାତୀ ଆକ୍ରମଣରେ ଚାଲିଗଲା ଜୀବନ

ସୁବର୍ଣ୍ଣପୁରରେ ହାତୀ ଆକ୍ରମଣରେ ଜଣେ ବ୍ୟକ୍ତି ମୃତ । କେନ୍ଦୁ ପତ୍ର ତୋଳିବାକୁ ଯାଇଥିବା ସମୟରେ ହାତୀ ଦଳି ଦେଇଥିବା ସୂଚନା । ଅଧିକ ପଢନ୍ତୁ...

ସୁବର୍ଣ୍ଣପୁର: ପୁଣି ସୁବର୍ଣ୍ଣପୁରରେ ହାତୀ ଆକ୍ରମଣରେ ଚାଲିଗଲା ଆଉ ଜଣଙ୍କ ଜୀବନ । କେନ୍ଦୁ ପତ୍ର ତୋଳିବାକୁ ଯାଇଥିବା ସମୟରେ ହାତୀ ଆକ୍ରମଣରେ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଛି । ଘଟଣାସ୍ଥଳରେ ବନ ବିଭାଗ ଉପସ୍ଥିତ ।

ସୂଚନା ଅନୁଯାୟୀ ସୁବର୍ଣ୍ଣପୁର ସଦର ରେଞ୍ଜ ଲଛିପୁର ସେକ୍ସନକୁ ଜଣେ ବ୍ୟକ୍ତି କେନ୍ଦୁ ପତ୍ର ତୋଳିବାକୁ ଯାଇଥିଲେ । ଏହି ସମୟରେ ଦନ୍ତା ହାତୀ ଆକ୍ରମଣ କରିବାରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଛି । ମୃତ ବ୍ୟକ୍ତି ଜଣକ ମାଟିଆପାଲି ଗାଁର ବଳଦେବ ବଗର୍ତ୍ତି(55) । ତେବେ ଲଛିପୁରର ବାରପାହାଡ଼ ଜଙ୍ଗଲରେ ବର୍ଷେ ତମାମ ହାତୀପଲ ରହି ଏହି ଅଞ୍ଚଳରେ ବ୍ୟାପକ ଧନ ଜୀବନ କ୍ଷତି କରୁଛନ୍ତି । କିଛିଦିନ ତଳେ ଏହି ଅଞ୍ଚଳର ବାଙ୍କତେନ୍ତୁଲି ଗାଁରେ ଜଣେ ବ୍ୟକ୍ତି ହାତୀ ଆକ୍ରମଣରେ ପ୍ରାଣ ହରାଇଥିଲେ । ଘଟଣା ପରେ ସ୍ଥାନୀୟ ଅଞ୍ଚଳବାସୀଙ୍କ ମନରେ ଭୟର ବାତାବରଣ ଖେଳିଯାଇଛି ।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ