ସୁବର୍ଣ୍ଣପୁର: ଭାଦ୍ରବ ଶୁକ୍ଳପକ୍ଷ ପଞ୍ଚମୀ ତିଥିରେ ପାଳିତ ହୁଏ କୃଷିଭିତ୍ତିକ ଗଣପର୍ବ ନୂଆଁଖାଇ । ଏଥିଲାଗି ଉତ୍ସବ ମୁଖର ସାରା ପଶ୍ଚିମ ଓଡିଶା । ପଲ୍ଲୀପୁରଠାରୁ ଆରମ୍ଭ କରି ସହର ଯାଏଁ ଧୂମଧାମର ସହ ପାଳୁଛନ୍ତି ନୂଆଁଖାଇ । ସମ୍ବଲପୁରର ଅଧିଷ୍ଠାତ୍ରୀ ଦେବୀ ମା’ ସମଲେଶ୍ବରୀଙ୍କ ପାଖରେ ବିଶେଷ ପୂଜାର୍ଚ୍ଚନା କରାଯାଇ ନବାନ୍ନ ଲଗି ହୁଏ । ସୁବର୍ଣ୍ଣପୁର ଗଡଜାତର ଇଷ୍ଟଦେବୀ ମା’ ସୁରେଶ୍ବରୀଙ୍କ ପାଖରେ ମଧ୍ୟ ନୂଆଁ ଲାଗି ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ପୂର୍ବ ନିର୍ଦ୍ଧାରିତ ଲଗ୍ନରେ ଦେବୀ ମା’ ସମଲେଇ ପୀଠରୁ ଅଷ୍ଟଚଣ୍ଡୀଙ୍କ ପୀଠକୁ ନୂଆଁ ସହିତ ଭୋଗ ଦିଆଯାଇଥିଲା। ସେବାୟତମାନେ ଦେବୀ ମନ୍ଦିର ଗୁଡିକରେ ନୂଆଁ ପ୍ରସ୍ତୁତ କରିଥିଲେ। ସମଲେଇ ପୀଠରୁ ନୂଆଁ ଯିବା ପରେ ପାରମ୍ପରିକ ରୀତିନୀତିରେ ଦେବୀ ମାନଙ୍କ ପାଖରେ ନୂଆଁ ସମର୍ପଣ କରାଯାଇଛି।