ସୁବର୍ଣ୍ଣପୁର: ପିଇବା ପାଣି ପ୍ରକଳ୍ପ ଅଛି ହେଲେ ପାଣି ଟୋପେ ପାଇଁ ଡହକ ବିକଳ ଗ୍ରାମବାସୀ । ନଳକୂଅ ଅଛି ହେଲେ ପିଇବା ଯୋଗ୍ୟ ପାଣି ବାହାରୁନାହିଁ । ଫଳରେ ପୋଖରୀର ମଇଳା ପାଣି ପିଇବାକୁ ବାଧ୍ୟ ହୋଇ ନାନା ରୋଗର ଶିକାର ହେଉଛନ୍ତି ଗ୍ରାମବାସୀ । ଏପରି ଏକ ଅବସ୍ଥା ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ସଂଗ୍ରାମପୁର ଗାଁରେ ।
ଉତ୍କଟ ପାନୀୟ ଜଳ ସମସ୍ୟା, ପୋଖରୀ ପାଣି ପିଉଛନ୍ତି ଗ୍ରାମବାସୀ
ପୋଖରୀ ଭିତରେ ତିଆରି ହୋଇଛି ପାନୀୟ ଜଳ ପ୍ରକଳ୍ପ । ଗାଁ ସାରା ପାଇପ ମଧ୍ୟ ବିଛା ହୋଇଛି । କିନ୍ତୁ ଷ୍ଟାଣ୍ଡପୋଷ୍ଟ ସବୁ ବ୍ୟବହାର ନ ହୋଇ ଭାଙ୍ଗିବାକୁ ବସିଲାଣି । କେବଳ ଗୋଟିଏ ପ୍ରକଳ୍ପ ନୁହେଁ , ନିକଟରେ ଥିବା ସୁରୁବାଲି ଯୋରରୁ ମଧ୍ୟ ବସୁଧା ଯୋଜନାରେ ପ୍ରକଳ୍ପ ହୋଇଛି । ହେଲେ ସଂଗ୍ରାମପୁର ଗାଁ ଲୋକଙ୍କ ପାଇଁ ସବୁକିଛି ଫେଲ ମାରିଛି । ଗାଁରେ ପ୍ରାୟ ୧୫ଶହ ଲୋକ ବସବାସ କରୁଥିବାବେଳେ ପିଇବା ପାଣି ଟୋପେ ପାଇଁ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି ।