ସୁବର୍ଣ୍ଣପୁର: ସୁବର୍ଣ୍ଣପୁର ଅଧିଷ୍ଠାତ୍ରୀ ଦେବୀ ସୁରେଶ୍ବରୀଙ୍କ ପୀଠରୁ ଚୋରୀ । ମନ୍ଦିରର ପଛ କବାଟ ତାଲା ଭାଙ୍ଗି ଦାନହୁଣ୍ଡିରୁ ଦୁର୍ବୃତ୍ତ ଚୋରୀ କରି ନେଇଛନ୍ତି ଲକ୍ଷାଧିକ ଟଙ୍କା । ବୁଧବାର ବିଳମ୍ବିତ ରାତିରେ ମନ୍ଦିରରୁ ଚୋରୀ ହୋଇଥିବା ସୂଚନା ରହିଛି । ଆଜି ପୂଜକ ମାନେ ମନ୍ଦିର ଖୋଲିବାକୁ ଆସିବା ବେଳେ ଘଟଣା ସମ୍ପର୍କରେ ଜଣାପଡିଥିଲା ।
ଏନେଇ ପୂଜକ ସଙ୍ଗେସଙ୍ଗେ ମନ୍ଦିର କମିଟି ସଭ୍ୟ, ଦେବୋତ୍ତର ବିଭାଗ ଓ ବରିଷ୍ଠ ପୂଜକଙ୍କୁ ଖବର ଦେଇଥିଲେ । ସମସ୍ତେ ପହଞ୍ଚିବା ପରେ ମନ୍ଦିରର ରୀତିନୀତି କରାଯାଇଥିଲା । ଅନ୍ୟପଟେ ଖବର ପାଇ ସଦର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ମନ୍ଦିରରୁ ଚୋରୀ ହେବା ପ୍ରଥମ ଘଟଣା ନୁହେଁ ପୂର୍ବରୁ ମଧ୍ୟ ମନ୍ଦିରରେ ଚୋରୀ ହୋଇଥିଲା । ଦୁର୍ବୃତ୍ତ ମାନେ ଦାନହୁଣ୍ଡିରୁ ଟଙ୍କା ସହ ସୁନାରୂପା ଅଳଙ୍କାର ଲୁଟି ନେଇଥିଲେ । ବାରମ୍ବାର ଚୋରୀ ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଅସନ୍ତୋଷ ପ୍ରକାଶ ପାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ