ସୁବର୍ଣ୍ଣପୁର: ଦୁଇ ଜଣ ହାଉସ ସର୍ଜନଙ୍କୁ ନେଇ ଚାଲିଛି ଡାକ୍ତରଖାନା । ମେଡିକାଲରେ ଆବଶ୍ୟକ ଭିତ୍ତିଭୂମିର ଅଭାବ ଥିବା ବେଳେ ବିଶେଷଜ୍ଞ ଡାକ୍ତରଙ୍କ ପରାମର୍ଶ ପାଇ ପାରୁ ନାହାନ୍ତି ରୋଗୀ । ମେଡିକାଲରେ ଖାଲି ପଡିଛି ଡାକ୍ତର, ଷ୍ଟାଫ ନର୍ସ, ସ୍ବାସ୍ଥ୍ୟ କର୍ମଚାରୀଙ୍କ ପଦବୀ । ଫଳରେ ରୋଗୀ ଆବଶ୍ୟକ ସ୍ବାସ୍ଥ୍ୟ ସେବା ଓ ଚିକିତ୍ସା ନପାଇ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । ଆମେ କହୁଛୁ ସୁବର୍ଣ୍ଣପୁର ଜିଲ୍ଲା ବିନିକା ବ୍ଳକର ସ୍ବାସ୍ଥ୍ୟସେବା କଥା ।
ବ୍ଳକର 15ଟି ଗ୍ରାମ ପଞ୍ଚାୟତର ପାଖାପାଖି ଏକ ଲକ୍ଷରୁ ଅଧିକ ଗ୍ରାମବାସୀ ସ୍ବାସ୍ଥ୍ୟସେବା ପାଇଁ ଏହି ଡାକ୍ତରଖାନା ଉପରେ ନିର୍ଭର କରିଥାଆନ୍ତି । ଅପରପକ୍ଷରେ ଭିତ୍ତିଭୂମିର ବିକାଶ ସହ ଡାକ୍ତର, ଷ୍ଟାଫ ନର୍ସ ଓ ସ୍ବାସ୍ଥ୍ୟକର୍ମୀ ନିଯୁକ୍ତି ପାଇଁ ଆବଶ୍ୟକ ପଦକ୍ଷେପ ନିଆଯାଉଛି । ଜରୁରୀ କାଳୀନ ସ୍ବାସ୍ଥ୍ୟ ସେବା ପାଇଁ ଦୁଇ ଜଣ ଡାକ୍ତରଙ୍କୁ ନିଯୁକ୍ତି ଦିଆଯାଇଥିବା କହିଛନ୍ତି ଜିଲ୍ଲା ମୁଖ୍ୟ ଚିକିତ୍ସାଧିକାରୀ ।