ସୁବର୍ଣ୍ଣପୁର:ମାଟ୍ରିକ ପରୀକ୍ଷା ଫଳାଫଳ ପ୍ରକାଶ ପାଇବା ପରେ ସୁବର୍ଣ୍ଣପୁର ଜିଲ୍ଲାରେ ମଧ୍ୟ ଅସନ୍ତୋଷ ପ୍ରକାଶ ପାଇଥିବା ଦେଖିବାକୁ ମିଳିଛି । ବିଦ୍ୟାଳୟରେ ହୋଇଥିବା ପୂର୍ବବର୍ତ୍ତୀ ପରୀକ୍ଷାର ମାର୍କ ବୋର୍ଡ କର୍ତ୍ତୃପକ୍ଷଙ୍କ ପାଖରେ ତ୍ରୁଟି ବିହୀନ ଭାବେ ସ୍କୁଲ କର୍ତ୍ତୃପକ୍ଷ ଦାଖଲ କରି ନ ଥିବା ଅଭିଯୋଗ କରିଛନ୍ତିି ଅଭିଭାବକ ।
ସୁବର୍ଣ୍ଣପୁରରେ ମଧ୍ୟ ମାଟ୍ରିକ ଫଳାଫଳ ତାତି, ତ୍ରୁଟି ବିହୀନ ଭାବେ ପୂର୍ବବର୍ତ୍ତୀ ମାର୍କ ଦାଖଲ କରିବାକୁ ଦାବି
ଚଳିତ ବର୍ଷ ମାଟ୍ରିକ ପରୀକ୍ଷାରେ ଉତ୍ତୀର୍ଣ୍ଣ ହୋଇଥିବା ଅସନ୍ତୁଷ୍ଟ ଛାତ୍ରଛାତ୍ରୀ ଜିଲ୍ଲା ଶିକ୍ଷାଧିକାରୀଙ୍କ ଆଗରେ ନିଜ ଦାବି ଉପସ୍ଥାପନ କରିଛନ୍ତି । ଚଳିତ ବର୍ଷ ମହାମାରୀ କୋରୋନା ଯୋଗୁଁ ଛାତ୍ରଛାତ୍ରୀ ମାଟ୍ରିକ ପରୀକ୍ଷା ଦେଇପାରି ନ ଥିବାବେଳେ ଗତ ବର୍ଷର ସ୍କୁଲ ପରୀକ୍ଷାରେ ପ୍ରଦର୍ଶନ ଆଧାରରେ ପିଲାମାନଙ୍କୁ ମାଟ୍ରିକ ଫଳାଫଳ ପ୍ରଦାନ କରାଯାଇଛି । ତେବେ ଛାତ୍ରଛାତ୍ରୀଙ୍କୁ ମିଳିଥିବା ମାର୍କରେ ସେମାନେ ସନ୍ତୁଷ୍ଟ ନ ଥିବାରୁ ଅଧିକ ମାର୍କ ପାଇଥାନ୍ତେ ବୋଲି ଅଭିଯୋଗ କରିଛନ୍ତି ।