ସୁବର୍ଣ୍ଣପୁରର: ଆଉ କିଛି ଘଣ୍ଟାର ସମୟ ପରେ ଆରମ୍ଭ ହେବ ଶୀତଳଷଷ୍ଠୀ ପାଇଁ ରୀତିନୀତି ପ୍ରକ୍ରିୟା । ଏଥିପାଇଁ ମୁଖ୍ୟ ଆକର୍ଷଣ ବାବା ସୁବର୍ଣ୍ଣମେରୁଙ୍କ ଚଳନ୍ତି ପ୍ରତିମା ସ୍ବର୍ଣ୍ଣ ବିଭୁଷିତ ବାବା ଚନ୍ଦ୍ରଶେଖର ଆଜି ଜିଲ୍ଲା କୋଷାଗାରରୁ ବାହାରିଛନ୍ତି ।
ଜିଲ୍ଲା ଦେବୋତ୍ତର ଅଧିକାରୀ ତଥା ଉପ-ଜିଲ୍ଲାପାଳ ବଳରାମ ମଲ୍ଲିକ ଓ ଦେବୋତ୍ତର ପରିଚାଳକଙ୍କ ଉପସ୍ଥିତିରେ 108 ଭରି ନିର୍ମିତ ସ୍ବର୍ଣ୍ଣନାଗ ସହିତ ସୁନା ଓ ରୂପା ନିର୍ମିତ ଆଭୂଷଣ ଓ ମହଣ ମହଣ ରୂପାରେ ତିଆରି ବିମାନ, ଛତ୍ରିଛତ୍ର ଆଦି ଶୀତଳ ଷଷ୍ଠୀ ଯାତ୍ରା ପାଇଁ ବାହାର କରାଯାଇଛି ।
ରାଜାରାଜୁଡା ଅମଳରୁ ନିର୍ମିତ ନାଗ ପ୍ରତିମା ସହିତ ସ୍ବର୍ଣ୍ଣ ଓ ରୂପା ନିର୍ମିତ ଦ୍ରବ୍ୟାଦି ଯାତ୍ରା କମିଟିକୁ ପ୍ରଦାନ କରାଯାଇଛି । ପାରମ୍ପରିକ ରୀତିନୀତିରେ କୋଷାଗାରରେ ନାଗ ପ୍ରତିମାଙ୍କୁ ଜୀବନ୍ୟାସ କରାଯାଇ ଏକ ଶୋଭାଯାତ୍ରାରେ ସହରର ଥନାପତି ପଡାସ୍ଥିତ ବାବା ଚନ୍ଦ୍ରଶଖରଙ୍କ ମନ୍ଦିରକୁ ନିଆଯାଇଥିଲା ।