ସୁବର୍ଣ୍ଣପୁର:ସୋନପୁର ଗଡଜାତର ସମସ୍ତ ପୀଠରେ ଚାଲିଛି ଶକ୍ତି ଆରାଧନା । ସହରର ଅଷ୍ଟଚଣ୍ଡୀଙ୍କ ମନ୍ଦିର ସମେତ ସବୁ ଦେବୀ ପୀଠରେ ଷୋଡଶ ଉପଚାର ପୂଜା ବିଧି ଓ ଦେବୀଙ୍କ ଭିନ୍ନ ଭିନ୍ନ ବେଶ କରାଯାଉଛି । ତେବେ ଏହି ସମୟରେ ଜିଲ୍ଲାର ଅନ୍ୟତମ ଶକ୍ତିପୀଠ ମା' ମେଟାକାନୀଙ୍କ ମନ୍ଦିରରେ ବି ଚଣ୍ଡୀପାଠର ଆୟୋଜନ କରାଯାଇଛି ।
କୋଭିଡ କଟକଣାରେ ଚାଲିଛି ମା' ମେଟକାନୀଙ୍କ ଷୋଡଶ ଉପଚାର ପୂଜା
ପରମ୍ପରା ଅନୁଯାୟୀ ୩ଦିନ ଧରି ଏହି ଚଣ୍ଡୀପାଠ କାର୍ଯ୍ୟକ୍ରମ କରାଯିବ । ମା'ଙ୍କ ଦର୍ଶନ ପାଇବା ପାଇଁ ବହୂ ଦୂର ଦୂରାନ୍ତରୁ ମା' ମେଟାକାନୀଙ୍କ କୃପା ଲାଭ କରିବା ପାଇଁ ଶ୍ରଦ୍ଧାଳୁମାନଙ୍କ ସମାଗମ ହେଉଛି ଏହି ପୀଠରେ । ତେବେ ଉଲୁଣ୍ଡା ବ୍ଳକ ସିଂହାସନ ଜଙ୍ଗଲର ପାଦ ଦେଶରେ କାହିଁ କେତେ ଦିନରୁ ପୂଜା ପାଇ ଆସୁଥିବା ମା ମେଟାକାନୀଙ୍କ ଆଶିଷ ଲାଭ କରିବା ସହିତ ପ୍ରକୃତି କୋଳରେ କିଛି ସମୟ ଅତିବାହିତ କରିବାକୁ ଶ୍ରଦ୍ଧାଳୁଙ୍କ ଭିଡ ଜମୁଛି ।