ସୁବର୍ଣ୍ଣପୁର: ପ୍ରଭୁ ଜଗନ୍ନାଥଙ୍କ ବାର ଦିନାତ୍ମକ ଘୋଷଯାତ୍ରାରେ ବେନି ଭାଇଙ୍କ ଦଶାବତାର ବେଶରେ ଉତ୍ସବମୁଖର ହୋଇଛି ସୁବର୍ଣ୍ଣପୁର ସହର । ଗତକାଲି ପାତାଳୀ ଶ୍ରୀକ୍ଷେତ୍ର ସୁବର୍ଣ୍ଣପୁରର ଶ୍ରୀ ଗୁଣ୍ଡିଚା ମନ୍ଦିରରେ ପ୍ରଭୁ ଜଗନ୍ନାଥ ଓ ଶ୍ରୀ ବଳଭଦ୍ର ରାମ-ଲକ୍ଷ୍ମଣ ବେଶ ଅନୁଷ୍ଠିତ ହୋଇଥିଲା । ଆଜି କୃଷ୍ଣ ଓ ବଳରାମ ବେଶରେ ଭକ୍ତଙ୍କୁ ଦର୍ଶନ ଦେବେ ଦୁଇ ଠାକୁର ।
ଗତକାଲି ପ୍ରଭୁ ଜଗନ୍ନାଥ ଓ ଶ୍ରୀ ବଳଭଦ୍ର ରାମ-ଲକ୍ଷ୍ମଣ ବେଶ ଧାରଣ କରି ଶ୍ରଦ୍ଧାଳୁଙ୍କୁ ଦର୍ଶନ ଦେଇଥିଲେ । ଏହି ବେଶ ଦେଖିବା ପାଇଁ ଶ୍ରୀଗୁଣ୍ଡିଚା ମନ୍ଦିରରେ ଭକ୍ତଙ୍କର ପ୍ରବଳ ସମାଗମ ହୋଇଥିଲା । ଶ୍ରଦ୍ଧାଳୁଙ୍କ ଚନ୍ଦନ, କର୍ପୁର, ଧୂପ, ଦୀପ, ବିଭିନ୍ନ ପ୍ରକାରର ପୁଷ୍ପ ଓ ନୈବେଦ୍ୟରେ ମହକି ଉଠୁଥିଲା ଶ୍ରୀ ଗୁଣ୍ଡିଚା ଗୁଡି ।
ଭିଡିଓ ସୌଜନ୍ୟ:ପ୍ରତିନିଧି, ସୁବର୍ଣ୍ଣପୁର