ସୁବର୍ଣ୍ଣପୁର: ଜିଲ୍ଲାରେ ଦିନକୁ ଦିନ ଜଙ୍ଗଲ କ୍ଷୟ ହେବାରେ ଲାଗିଛି । ଏଭଳି ସ୍ଥିତିରେ ନୂତନ ଜଙ୍ଗଲ ସୃଷ୍ଟି ସହ ଏହାକୁ ସୁରକ୍ଷା ପାଇଁ ଅଣ୍ଟା ଭିଡିଛନ୍ତି ଜଣେ ବୃକ୍ଷ ପ୍ରେମୀ ଗିରିଧାରୀ ଭୋଇ । ଦୀର୍ଘ ୩ ଦଶନ୍ଧିରୁ ଅଧିକ ସମୟ ଧରି ସେ ନିଜ ଜୀବନକୁ ଜଙ୍ଗଲ ସୁରକ୍ଷାରେ ସମର୍ପିତ କରି ପାଲଟି ଯାଇଛନ୍ତି ଗଛ ମଣିଷ ।
ସୁବର୍ଣ୍ଣପୁରର 'ଗଛ ମଣିଷ' ଗିରିଧାରୀ, ଜଙ୍ଗଲରେ ଦିନକୁ ବିତାନ୍ତି ୭ ଘଣ୍ଟା
ଏହି ଜିଲ୍ଲାରେ ଜଙ୍ଗଲ କ୍ଷୟ ହେବାରେ ଲାଗିଥିବା ବେଳେ ନୂତନ ଜଙ୍ଗଲ ସୃଷ୍ଟି, ପୁରୁଣା ଜଙ୍ଗଲର ପୁନଃରୁଦ୍ଧାର ଦିଗରେ ସେତେଟା ଧ୍ୟାନ ଦିଆଯାଇ ପାରୁନାହିଁ । କିନ୍ତୁ ଗିରିଧାରୀ ହାତରେ ଠେଙ୍ଗା ଓ କାନ୍ଧରେ ଟାଙ୍ଗିଆ ଧରି କରୁଛନ୍ତି ଜଙ୍ଗଲ ସୁରକ୍ଷା । ସକାଳ ହେଲେ ସେ ବାହାରିପଡନ୍ତି ଗାଁ ଜଙ୍ଗଲ ଅଭିମୁଖେ । ଜଙ୍ଗଲରେ ପହଞ୍ଚି ଗଛ ସବୁର ଯତ୍ନ ନେବା ସହ ଜଙ୍ଗଲକୁ ଜଗି ବସନ୍ତି । ଘଣ୍ଟାଏ କି ୨ ଘଣ୍ଟା ନୁହେଁ, ସକାଳ ବେଳା ୪ ଘଣ୍ଟା ଏବଂ ସଂଧ୍ୟାରେ ୩ ଘଣ୍ଟା ଜଙ୍ଗଲକୁ ସୁରକ୍ଷା ଦେବା ପାଇଁ ସମୟ ବିତାଇଥାନ୍ତି । ଜିଲ୍ଲାର ତରଭା ବ୍ଲକ ପୋଲବନ୍ଧ ଗାଁର ଗିରିଧାରୀ ଭୋଇ ।