ଯାତାୟାତରେ ବାଧା ସାଜିଥିଲା ବରଗଛ, କାଟିବା ପରେ 4 ପଞ୍ଚାୟତକୁ ଫିଟିଲା ବାଟ

ସୁବର୍ଣ୍ଣପୁର ଜିଲ୍ଲା ବିରମହରାଜପୁର ବ୍ଲକ ପୁଲେଶ୍ବର ଗାଁରୁ କେଞ୍ଜିରିଆ ପାଲିକୁ ବାଟ ଫିଟିଛି। ସ୍ଥାନୀୟ ପ୍ରଶାସନର ଉଦ୍ୟମରେ 4ଟି ପଞ୍ଚାୟତର ଲୋକଙ୍କ ଗମନାଗମନ ପାଇଁ ପଥ ପରିଷ୍କାର ହୋଇଛି।

ସୁବର୍ଣ୍ଣପୁର: ଆଭ୍ୟନ୍ତରୀଣ ଅଞ୍ଚଳକୁ ଗମନାଗମନ ସୁବିଧା ହେଲା, 4ଟି ପଞ୍ଚାୟତ ଲୋକଙ୍କ ପାଇଁ ବାଟ ଫିଟିଲା । ସୁବର୍ଣ୍ଣପୁର ଜିଲ୍ଲା ବିରମହରାଜପୁର ବ୍ଲକ ପୁଲେଶ୍ବର ଗାଁରୁ କେଞ୍ଜିରିଆ ପାଲିକୁ ବାଟ ଫିଟିଛି। ସ୍ଥାନୀୟ ପ୍ରଶାସନର ଉଦ୍ୟମରେ 4ଟି ପଞ୍ଚାୟତର ଲୋକଙ୍କ ଗମନାଗମନ ପାଇଁ ପଥ ପରିଷ୍କାର ହୋଇଛି।

ଏହି ଅଞ୍ଚଳର କେଞ୍ଜିରିଆ ପାଲି , ବହଳପଦର, ଦୁର୍ଜନ ତାଇଲା, ଲୁତୁରପଙ୍କ ଆଦି ପଞ୍ଚାୟତର ଲୋକଙ୍କ ପାଇଁ ବାରଝୁଲା ଗାଁର ଗୃହ ଓ ପୂର୍ତ୍ତ ବିଭାଗ ରାସ୍ତା ମଝିରେ ଥିବା ଏକ ବରଗଛ ଲୋକଙ୍କ ଯାତାୟାତରେ ଅନେକ ସମସ୍ୟା ସୃଷ୍ଟି କରୁଥିଲା।

ପୁଲେଶ୍ବରରୁ କେଞ୍ଜିରିଆପାଲି ପ୍ରାୟ 3 କିଲୋମିଟର ପକ୍କା ରାସ୍ତା ତିଆରି ସରିଥିବା ବେଳେ ବରଗଛ ପାଇଁ ଗାଡିମୋଟର ଯାଆସ କରି ପାରୁନଥିଲା। ଏହି ରାସ୍ତାକାମରେ ପ୍ରାୟ 3 କୋଟି 65 ଲକ୍ଷ ଟଙ୍କା ବ୍ୟୟରେ ରାସ୍ତା ନିର୍ମାଣ ସରିଥିବାବେଳେ କିଛି ଗାଁଲୋକ ଗଛ କଟାକୁ ବିରୋଧ କରୁଥିବାରୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିଲେ ।

ତେବେ ଆଜି ମାଜିଷ୍ଟ୍ରେଟଙ୍କ ଉପସ୍ଥିତିରେ ପୋଲିସ ପକ୍ଷରୁ 144 ଧାରା ଜାରି କରାଯାଇ ଗଛ କଟାଯାଇଛି। ଗଛଟି କଟାଯିବାରୁ 4ଟି ପଂଚାୟତର ଲୋକଙ୍କ ପାଇଁ ଗମନାଗମନ ସମସ୍ୟାର ସମାଧାନ ହୋଇ ପାରିଛି।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା , ଇଟିଭି ଭାରତ