ସୁବର୍ଣ୍ଣପୁର: ସମବାୟ ସମିତି ଜରିଆରେ ଧାନ ବିକ୍ରି କରିବା ପାଇଁ ଜିଲ୍ଲା ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ନିକଟରେ ଦାବି କରିଛନ୍ତି ଜିଲ୍ଲାର ମେଘଲା ଗାଁର ଚାଷୀମାନେ । ଏଥର ମେଘଲା ଗାଁର ଶିବାନୀ ମହିଳା ସ୍ବୟଂ ସହାୟକ ଗୋଷ୍ଠୀକୁ ଚାଷୀ ମାନଙ୍କ ପାଖରୁ ସିଧାସଳଖ ଧାନ ସଂଗ୍ରହ ପାଇଁ ପ୍ରଶାସନ ଅନୁମତି ମିଳିଛି । କିନ୍ତୁ ଏହାକୁ ବିରୋଧ କରିଛନ୍ତି ଚାଷୀ ।
ସ୍ବୟଂ ସହାୟକ ଗୋଷ୍ଠୀ ପାଖରେ ଧାନ ବିକିବାକୁ ନାରାଜ ଚାଷୀ
ଗତ ଆଠ ବର୍ଷ ହେଲା ଚାଷୀମାନେ ସିଲାଟି ସମବାୟ ସମିତି ଜରିଆରେ ଧାନ ବିକ୍ରି କରି ଆସୁଥିଲେ । କିନ୍ତୁ ଏହି ମହିଳା ସ୍ବୟଂ ସହାୟକ ଗୋଷ୍ଠୀ ପାଖରେ ଆବଶ୍ୟକ ଭିତ୍ତିଭୂମି ନ ଥିବା ବେଳେ ପୂର୍ବରୁ ଏମାନେ ସାଧାରଣ ବଣ୍ଟନ ବ୍ୟବସ୍ଥାରେ ଚାଉଳ ଓ ଆଇସିଡିଏସର ଛତୁଆ ବଣ୍ଟନରେ ବ୍ୟାପକ ଅନିୟମିତତା ହୋଇଥିବା ଅଭିଯୋଗ ହୋଇଛି ।