ଅଜଣା ଗାଡି ଧକ୍କାରେ ଅବକାରୀ କନେଷ୍ଟବଳ ମୃତ

ଅପେରା ଦେଖି ଫେରୁଥିବା ବେଳେ ଗାଡି ଧକ୍କାରେ ଅବକାରୀ ବିଭାଗର କନେଷ୍ଟବଳ ମୃତ । ଏଭଳି ଦୁଃଖଦ ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲାରେ । ମୃତକ ହେଲେ ନନ୍ଦୀ କର୍ମୀ ।

ସୁବର୍ଣ୍ଣପୁର: ଅଜଣା ଗାଡି ଧକ୍କାରେ ଅବକାରୀ କନେଷ୍ଟବଳଙ୍କ ମୃତ୍ୟୁ । ମୃତକ ହେଲେ 32 ବର୍ଷୀୟ ନନ୍ଦୀ କର୍ମୀ । ସେ ସୋମବାର ବିଳମ୍ବିତ ରାତିରେ ଘରକୁ ଫେରୁଥିବା ବେଳେ ବିଜୁ ପଟ୍ଟନାୟକ ସେତୁରେ ଦୁର୍ଘଟଣାର ଶିକାର ହୋଇଥିଲେ ।

ସୂଚନା ଅନୁସାରେ, ମୃତ ନନ୍ଦୀ ସୋମବାର ରାତିରେ ଅପେରା ଦେଖି ବାଇକରେ ଫେରୁଥିବା ବେଳେ ତାଙ୍କୁ ଗାଡିକୁ ଏକ ଅଜଣା ଗାଡି ଧକ୍କା ଦେଇଥିଲା । ଫଳରେ ଘଟଣାସ୍ଥଳରେ ହିଁ ସେ ପ୍ରାଣ ହରାଇଥିଲେ । ଅନ୍ୟପଟେ ମହାନଦୀ ରାସ୍ତା ମରାମତି ପାଇଁ ରାସ୍ତା କଡରେ ନିର୍ମାଣ ସାମଗ୍ରୀ ପଡି ରହିଥିବାରୁ ଯାତାୟତ ବାଧାପ୍ରାପ୍ତ ହେଉଛି । ଏହି ଦୁର୍ଘଟଣା ପାଇଁ ସ୍ଥାନୀୟଲୋକେ ପୂର୍ତ୍ତ ବିଭାଗକୁ ଦାୟୀ କରିଛନ୍ତି । ପୋଲିସ ଏକ ମାମଲା ରୁଜ୍ଜୁ କରି ଘଟଣାର ତଦନ୍ତ ଜାରି ରଖିଛି ।

ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ