ସୁବର୍ଣ୍ଣପୁର: ଜିଲ୍ଲା ପ୍ରଶାସନ ପକ୍ଷରୁ ସରକାରୀ କାର୍ଯ୍ୟାଳୟ ଗୁଡିକୁ ଜନସାଧାରଣଙ୍କ ଅବାଧ ପ୍ରବେଶକୁ କରାଯାଇଛି ବାରଣ । ସମସ୍ତ କାର୍ଯ୍ୟାଳୟ ଗୁଡିକରେ ଜନସାଧାରଣ ବିଭିନ୍ନ କାର୍ଯ୍ୟ ନେଇ ଯାଉଥିବା ବେଳେ ଅନୁରୋଧ ପତ୍ର, ଅଭିଯୋଗ ପତ୍ର ଆଦି କାର୍ଯ୍ୟାଳୟ ଗୁଡିକ ବାହାରେ ଥିବା ଅଭିଯୋଗ ବାକ୍ସରେ ପ୍ରଦାନ କରିବା ପାଇଁ ଅନୁରୋଧ କରାଯାଇଛି ।
କୋରୋନା ଭୟ: ସରକାରୀ କାର୍ଯ୍ୟାଳୟକୁ ପ୍ରବେଶ ମନା
ସେହିପରି ଜନସାଧାରଣଙ୍କୁ ଅନଲାଇନ ମାଧ୍ୟମରେ ବାଇ ଗ୍ରିଭାନ୍ସରେ ନିଜ ଅଭିଯୋଗ ପଠାଇବା ପାଇଁ କୁହାଯାଇଛି । ଜନସାଧାରଣ କରୁଥିବା ଅଭିଯୋଗ ସବୁ 48 ଘଣ୍ଟା ଭିତରେ ଅଭିଯୋଗ ବାକ୍ସରୁ ବାହାର କରି ଆଇନ ଅନୁଯାୟୀ ଆବଶ୍ୟକ ପଦକ୍ଷେପ ନିଆଯିବ ବୋଲି ପ୍ରଶାସନ ପକ୍ଷରୁ ସୂଚନା ଦିଆଯାଇଛି । ଦିନକୁ ଦିନ କୋରୋନା ସଂକ୍ରମଣ ଜିଲ୍ଲାରେ ବଢି ବଢି ଯାଉଥିବାରୁ ଜିଲ୍ଲା ପ୍ରଶାସନ ପକ୍ଷରୁ ଏପରି ପଦକ୍ଷେପ ନିଆଯାଇଛି ।