ସୁବର୍ଣ୍ଣପୁର: ରାଜ୍ୟରେ ଅନେକ ସ୍ଥାନରେ ହାତୀ ଉପଦ୍ରବ ବଢିବାରେ ଲାଗିଛି । ଧାନ ଫସଲ ଖାଇବାରୁ ଗାଁ ମୁହାଁ ହୋଇଛନ୍ତି ହାତୀ ପଲ । ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ରେଞ୍ଜ ଅନ୍ତର୍ଗତ ହିକୁଡି ଗାଁରେ ଦେଖିବାକୁ ମିଳିଛି ହାତୀ ଉତ୍ପାତ ।
ଗାଁ ମୁହାଁ ହାତୀପଳ, ଭୟରେ ଗ୍ରାମବାସୀ
ଗତକାଲି(ମଙ୍ଗଳବାର) ରାତିରେ ହାତୀ ପଲ ଗାଁକୁ ଆସି ଗାଁର ଅନେକ ଧାନବିଲକୁ ଦଳିଚକଟି ନଷ୍ଟ କରି ଦେଇଛନ୍ତି । ସକାଳ ହୋଇ ଯିବାରୁ ହାତୀପଲ ଜଙ୍ଗଲକୁ ଫେରି ନ ପାରି ଗାଁ ମୁଣ୍ଡ ମହାନଦୀ କୂଳରେ ଏକ ଛୋଟିଆ ଗାଁ ଜଙ୍ଗଲରେ ରହିଯାଇଛନ୍ତି । ହାତୀପଲଙ୍କ ଭିତରେ ଚାରୋଟି ବଡ ହାତୀ ଏବଂ ଦୁଇଟି ଛୁଆ ହାତୀ ଥିବା ଜଣାପଡିଛି ।