ସୁବର୍ଣ୍ଣପୁର: ପୌର ପରିଷଦର ସଫେଇ ପାଇଁ ଟେଣ୍ଡର ମାଧ୍ୟମରେ ଚୟନ ପ୍ରକ୍ରିୟା ଶେଷ ହୋଇଛି । ଏପରିକି ଠିକାଦାର ମଧ୍ୟ ନିଯୁକ୍ତି ପାଇ ସାରିଛନ୍ତି । ହେଲେ ଧରାଛୁଆଁ ଦେଉ ନାହାଁନ୍ତି । ପାଖାପାଖି 15ଟି ୱାର୍ଡ ସଫେଇ ପାଇଁ ସବୁ ପ୍ରକ୍ରିୟା ଶେଷ ହୋଇଥିଲେ ବି ସହରରୁ ଉଠୁନି ଆବର୍ଜନା ।
ଯାହାଫଳରେ ସୁବର୍ଣ୍ଣପୁର ବିଭିନ୍ନ ସ୍ଥାନରେ ପଡି ରହିଛି କୁଢକୁଢ ଅଳିଆ ଆବର୍ଜନା । ପ୍ରତ୍ୟେକ ଦିନ ଆବର୍ଜନା ଓ ବର୍ଯ୍ୟବସ୍ତୁ ଉଠି ପାରୁନଥିବାରୁ ଦୁର୍ଗନ୍ଧରେ ନାକ ଫାଟିଯାଉଛି । ପୌର ପରିଷଦର 28 ଜଣ ସଫେଇ କର୍ମଚାରୀ ରହିଛନ୍ତି। ସେମାନଙ୍କୁ ବିଭିନ୍ନ ସରକାରୀ କାର୍ଯ୍ୟାଳୟରେ ନିଯୁକ୍ତି ଦିଆଯାଇଛି । ଏବେ ମାଷ୍ଟରରୋଲ ଫର୍ମ ପୂରଣ କରି ଦୈନିକ ସଫେଇ କର୍ମଚାରୀଙ୍କୁ ନିଯୁକ୍ତି ଦିଆଯାଇଛି ।
ଭିଡିଓ ସୌଜନ୍ୟ: ପ୍ରତିନିଧି ସୁବର୍ଣ୍ଣପୁର