ସୁବର୍ଣ୍ଣପୁର: ଆଜି ଶ୍ରାବଣ ମାସର ତୃତୀୟ ସୋମବାର । ଏନେଇ ସୋନପୁର ସହରରେ ଥିବା ବିଭିନ୍ନ ଶୈବପୀଠରେ କାଉଡିଆଙ୍କ ଭିଡ ଜମିଥିଲା । ସକାଳୁ ସକାଳୁ କାଉଡିଆ ମହାନଦୀ ସ୍ବର୍ଣ୍ଣପ୍ରୟାଗ ଘାଟରୁ ଜଳ ଉଠାଇ ଅଷ୍ଟଶମ୍ଭୁଙ୍କ ପୀଠରେ ଜଳଲାଗି କରିଥିଲେ ।
ସେପଟେ ଏକ ନିଆରା ଢଙ୍ଗରେ ତ୍ରିବେଣୀ ସଙ୍ଗମସ୍ଥିତ ରାମେଶ୍ବର ମନ୍ଦିରରେ ପହଞ୍ଚିଥିଲେ କିଛି କାଉଡିଆ । ଜିଲ୍ଲାର ତରଭା ଦେଇ ପ୍ରବାହିତ ହେଉଥିବା ତେଲନଦୀର ବ୍ରାହ୍ମଣୀ ଘାଟରୁ ଟ୍ୟୁବରେ ବସି ବାବା ରାମେଶ୍ବରଙ୍କ ନିକଟରେ ଜଳଲାଗି କରିଛନ୍ତି ଭକ୍ତ ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର