ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲା ବିନିକା ଥାନା ଅନ୍ତର୍ଗତ ବାଗବାହାଳି ଗାଁର ଶେଷଦେବ ହତ୍ୟାକାଣ୍ଡର ଅଭିଯୁକ୍ତ ମାନଙ୍କୁ ଗିରଫ କରିବା ପାଇଁ ଦାବି ହୋଇଛି । ମୃତକର ପତ୍ନୀ ଗୁରୁବାରୀ ରାଉତ ନିଜ ପୁଅ ଝିଅ ସହିତ ଜିଲ୍ଲା ଆରକ୍ଷୀ ଅଧିକ୍ଷକଙ୍କୁ ସାକ୍ଷାତ କରି ଅଭିଯୁକ୍ତକୁ ଗିରଫ ପାଇଁ ଦାବି କରିଛନ୍ତି । ଗତ ଅପ୍ରେଲ 19 ତାରିଖ ସନ୍ଧ୍ୟା 8 ସମୟରେ ବଞ୍ଜିପାଲି ଗାଁର ସଦାନନ୍ଦ ଭୋଇ ଶେଷଦେବକୁ ଭୋଜି କରିବା ପାଇଁ ଡାକି ନେଇଥିଲେ। ହେଲେ ଶେଷଦେବ ଭୋଜିକୁ ଯାଇ ଆଉ ଘରକୁ ଫେରି ନ ଥିଲେ । ତା ପରଦିନ ସକାଳୁ ଶେଷଦେବଙ୍କ ମୃତଦେହ କୋଉଡ଼ିଆମୁଣ୍ଡା କେନାଲ କଡରୁ ଉଦ୍ଧାର ହୋଇଥିଲା । ମୃତକର ଦେହରେ ଅନେକ ସ୍ଥାନର କ୍ଷତ ଚିହ୍ନ ଥିବା ବେଳେ ତାଙ୍କର ମୋବାଇଲ ଓ ବାଇକ ଘଟଣାସ୍ଥଳରୁ ଜବତ କରାଯାଇଥିଲା ।
ହତ୍ୟାକାଣ୍ଡ ଅଭିଯୁକ୍ତଙ୍କୁ ଗିରଫ କରିବା ପାଇଁ ଦାବି
ହତ୍ୟାକାଣ୍ଡ ଅଭିଯୁକ୍ତଙ୍କୁ ଗିରଫ କରିବା ପାଇଁ ଦାବି । ଏସପିଙ୍କ ନିକଟରେ ଫେରାଦ ହେଲେ ମୃତକଙ୍କ ପତ୍ନୀ । ଅଧିକ ପଢନ୍ତୁ.....
ହତ୍ୟାକାଣ୍ଡ ଅଭିଯୁକ୍ତଙ୍କୁ ଗିରଫ କରିବା ପାଇଁ ଦାବି
ଶେଷଦେବକୁ ସଦାନନ୍ଦ ଓ ତାର ସାଙ୍ଗମାନେ ମିଶି ହତ୍ୟା କରିଥିବା ଅଭିଯୋଗ ହୋଇ ଥିଲେ ହେଁ ଅଭିଯୁକ୍ତ ମାନଙ୍କୁ ଏଯାଏଁ ପୋଲିସ ଗିରଫ କରିନାହିଁ । ତେବେ ତୁରନ୍ତ ଅଭିଯୁକ୍ତ ମାନଙ୍କୁ ଗିରଫ କରିବା ପାଇଁ ଗୁରୁବାରୀ ଏସପିଙ୍କ ପାଖରେ ଦାବି କରିଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା ,ଇଟିଭି ଭାରତ
TAGGED:
murder case