ସୁବର୍ଣ୍ଣପୁର: ଜିଲ୍ଲାରେ ଭାଗବତ ଟୁଙ୍ଗୀ ପୁନଃରୁଦ୍ଧାର ଯୋଜନା ବାଟବଣା ହୋଇଥିବା ହୋଇଛି ଅଭିଯୋଗ । ଓଡିଆ ସଂସ୍କୃତିକୁ ପୁରପଲ୍ଲୀରେ ବଞ୍ଚାଇ ରଖିବାକୁ 2014-15 ମସିହାରେ ଭାଗବତ ଟୁଙ୍ଗୀର ପୁନଃରୁଦ୍ଧାର ପାଇଁ ରାଜ୍ୟ ସରକାର 25 ହଜାର ଟଙ୍କା ଲେଖାଏଁ ପ୍ରଦାନ କରିଥିଲେ । ହେଲେ ଜିଲ୍ଲାରେ ଗୋଟିଏ ହେଲେ ବି ଟୁଙ୍ଗୀକୁ ସଂପୂର୍ଣ୍ଣ ଅନୁଦାନ ଦିଆଯାଇ ପାରିନାହିଁ ।
ଖର୍ଚ୍ଚ ହେଉନି ଭାଗବତ ଟୁଙ୍ଗୀ ଅନୁଦାନ
2018-19ରେ ଏହି ଆର୍ଥିକ ସହାୟତାକୁ 50 ହଜାର ପର୍ଯ୍ୟନ୍ତ ବର୍ଦ୍ଧିତ କରାଯାଇଥିଲା । 2014 ମସିହାରୁ 2017 ପର୍ଯ୍ୟନ୍ତ 174 ଟି ଭାଗବତ ଟୁଙ୍ଗୀ ପାଇଁ ଅନୁଦାନ ମିଳିଥିଲା । ସେହିପରି 2018-19 ଆର୍ଥିକ ବର୍ଷରେ 38 ଗୋଟି ଓ 2019-20 ଆର୍ଥିକ ବର୍ଷରେ 51ଗୋଟି ଭାଗବତ ଟୁଙ୍ଗୀକୁ 50 ହଜାର ଟଙ୍କା ଲେଖାଏଁ ଅନୁଦାନ ମିଳିଛି । ହେଲେ ଆଜି ପର୍ଯ୍ୟନ୍ତ 174 ଗୋଟି ଭାଗବତ ଟୁଙ୍ଗୀକୁ 10 ହଜାର ଲେଖାଏଁ ଖର୍ଚ୍ଚ କରି ଏକ ମାଇକ ସେଟ କେବଳ ପ୍ରଦାନ କରାଯାଇଛି, ହେଲେ କର୍ପସ ଫଣ୍ଡ ବାବଦକୁ 15 ହଜାର ଲେଖାଏଁ ଆର୍ଥିକ ଅନୁଦାନ ଦିଆଯାଇ ପାରିନାହିଁ ।